Ab hetym zajaviŭ siońnia Alaksandr Łukašenka ŭ intervju francuzskaj haziecie «Fiharo», paviedamlaje karespandent BIEŁTA.
Na pytańnie žurnalista vydańnia, ci nie rasčaravana kiraŭnictva krainy staŭleńniem da Biełarusi Jeŭrapiejskaha Sajuza, Alaksandr Łukašenka skazaŭ: «My bolš čym rasčaravany. My naohuł časam nie razumiejem, čaho choča Jeŭrapiejski Sajuz». «My robim usio dla taho, kab u nas byli narmalnyja adnosiny z našym zachodnim susiedam. Usie našy inicyjatyvy nie tolki apošniaha času, ale i raniej byli nakiravany na ŭstanaŭleńnie dobrych adnosin ź Jeŭrapiejskim Sajuzam. Čamu Jeŭrapiejski Sajuz takim čynam reahuje na našy inicyjatyvy, heta znoŭ ža pytańnie da ich, a nie da nas», - skazaŭ Prezident.
Pry hetym kiraŭnik biełaruskaj dziaržavy adznačyŭ:
«My dobryja vučni, my hatovy ŭ vas vučycca ŭsiamu tamu, što adpaviadaje intaresam biełaruskaha naroda, i tamu, što nie stvaraje prablem našym susiedziam, heta značyć Jeŭrapiejskamu Sajuzu, Ukrainie, Rasii,inšym narodam śvietu. My hatovy ŭ hetym napramku vučycca ŭ vas».
«Ale palityka Jeŭrapiejskaha Sajuza na toje, kab nas pastajanna trymać u napružańni i stavić pierad nami ŭmovy, a toje i padšturchvać nas da dziejańniaŭ, da jakich my, miakka kažučy, nie hatovy z-za abjektyŭnych pryčyn, heta palityka ŭ nas nikoli nie znojdzie razumieńnia,— padkreśliŭ jon. — Jeŭrapiejski sajuz pavinien heta ŭličvać».
«Ja dumaju, što kali b francuzskamu prezidentu Nikala Sarkazi zadali takoje pytańnie i Francyja była ŭ takim ža stanoviščy, jak Biełaruś, jon by adkazaŭ hetak ža», — zaŭvažyŭ biełaruski lidar.
Alaksandr Łukašenka padkreśliŭ, što zaŭsiody budzie dziejničać u intaresach biełaruskaj dziaržavy i naroda. «U nas jość kraina, u nas jość narod, my abjavili, što hetaj biełaruskaj dziaržavie być suvierennaj i niezaležnaj. Heta padtrymlivaje Zachad. Tamu my budziem zabiaśpiečvać naš suvierenitet i niezaležnaść i dziejničać pierš za ŭsio ŭ intaresach našaha biełaruskaha naroda, tamu što my jak kraina i narod, jaki žyvie ŭ hetaj krainie, majem svaje intaresy, i hetyja intaresy, nas nichto ŭ hetym papraknuć nie moža, nijak nie supiarečać Jeŭrapiejskamu Sajuzu».
Kiraŭnik biełaruskaj dziaržavy taksama adznačyŭ, što Biełaruś hatova naładžvać adnosiny ź ES u lubym farmacie: «Davajcie naładžvać adnosiny. Chočacie — u ramkach «Uschodniaha partniorstva», chočacie — niepasredna Jeŭrapiejski Sajuz — Biełaruś, chočacie — Francyja — Biełaruś, jak vam zručna».