Kandydat u prezidenty ad Partyi BNF Ryhor Kastusioŭ maje namier poŭnaściu vykarystać dadzienyja jamu mahčymaści vystupić pa radyjo i telebačańni,

zajaviŭ jon u intervju BiełaPAN.

Nahadajem, Kastusioŭ ranicaj 26 listapada, vystupajučy ŭ efiry Biełaruskaha radyjo, paŭtaryŭ svaju pramovu, zroblenuju padčas vystupleńnia pa telebačańni 24 listapada. Jak i ŭ chodzie telezvarotu, u kancy pramovy kandydat raźvitaŭsia z vybarščykami. «Sustreniemsia i ŭbačymsia ŭ dzień vybaraŭ», — skazaŭ Kastusioŭ, jaki, tym nie mienš, maje prava jašče raz vystupić na radyjo i na telebačańni (kožny kandydat maje mahčymaść dvojčy vystupić pa radyjo i dvojčy — pa telebačańni).

Jak adznačyŭ Kastusioŭ,

jaho słovy «sustreniemsia i ŭbačymsia ŭ dzień vybaraŭ», nie aznačajuć, što jon admaŭlajecca ad dalejšych vystupleńniaŭ pa radyjo i telebačańni.

«Heta prosta infarmacyja pra toje, što vybarščyki zmohuć ubačyć mianie asabista, tvar u tvar, u dzień vybaraŭ, 19 śniežnia, na Kastryčnickaj płoščy Minska ŭ 20.00», — paviedamiŭ Kastusioŭ.

«Ja prosta ŭ takoj formie jašče raz nahadaŭ ludziam, što jany majuć prava i pavinny adstojvać svoj vybar na płoščy», — zajaviŭ jon.

Raniej palityk płanavaŭ, što 1 śniežnia z 19.00 da 19.30 pa telebačańni ŭ jaho padtrymku vystupić Alaksandr Milinkievič, jaki źjaŭlajecca jaho davieranaj asobaj. «U adpaviednaści z artykułam 76 Vybarčaha kodeksa davieranyja asoby kandydata ŭ prezidenty viaduć ahitacyju za jaho abrańnie. U adpaviednaści z artykułam 46 Vybarčaha kodeksa kandydatu ŭ prezidenty dajecca efirny čas z metaj ahitacyi. Takim čynam, kandydat u prezidenty, jak ja liču, maje prava delehavać svajo prava ahitacyi praz vystupleńnie pa telebačańni svajoj davieranaj asobie», — zajaviŭ Kastusioŭ

Adnak, skazaŭ Kastusioŭ, i Centrvybarkam, i kiraŭnictva Biełteleradyjokampanii paviedamili jamu, što jon nie maje prava pieradavać mahčymaść vystupleńnia ŭ teleefiry davieranaj asobie.

«Tamu ŭ efiry radyjo i telebačańnia budu vystupać ja. My vyrašyli nie ryzykavać strataj efirnaha času», — skazaŭ kandydat na pasadu prezidenta.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?