Darahija surodzičy,

Ad imia Rady Biełaruskaj Narodnaj Respubliki vinšuju vas z 90-mi ŭhodkami Słuckaha Zbrojnaha Čynu, z našym słaŭnym Dniom Hierojaŭ.

Słučaki, jak nichto ŭ našaj historyi, zasłuhoŭvajuć hierojami zvacca. Mieli jany advahu i mužnaść zmahacca za ideał, za volu dla svajoj ziamli. Słucki Zbrojny Čyn zastaŭsia nazaŭsiody ŭ našaj pamiaci nie tamu, što jon byŭ zbrojnym – zbroi słučaki mieli vielmi mała, -- a tamu, što dziesiać tysiač biełarusaŭ vyrašyli baranić da apošniaha svaju dziaržavu. Byli hatovyja addać žyćcio, kab žyła biełaruskaja Biełaruś.

Šmat my pieražyli za hetyja 90 hod. Majem svaju dziaržavu, ale kvołaja jana jašče, a ahresiŭny ŭschodni susied nia moža dačakacca zručnych abstavinaŭ, kab iznoŭ jaje zachapić. Darahija surodzičy, pamiatajma prykład našych słaŭnych prodkaŭ. Razam z Radaj BNR i z usimi zmaharami za volu i Niezaležnaść, budźma hatovyja baranić naš kraj. Ja vieru, što abaronim my jaho ŭ pačatku hetaha, 21-ha stahodździa, nia zbrojaj, a našaj rašučaściu i našaj salidarnaściu. Da našaha mocnaha pačućcia spraviadlivaści, da našaj nieciarpimaści da kryŭdaŭ i źniavahaŭ, chapiła b dadać krychu lubovi i talerantnaści adnych da druhich , dy zabycca pra svaje ŭłasnyja intaresy dy ambicyi, kab pieramahčy ŭsie pieraškody na našym šlachu da ździajśnieńnia ideałaŭ našych słaŭnych słučakoŭ.

Dyk dapamažy nam Boža!

Žyvie Biełaruś!

Ivonka Surviła, Staršynia Rady BNR

Клас
Панылы сорам
Ха-ха
Ого
Сумна
Абуральна