Deputaty Dziarždumy prapanavali pryznać Katynskuju trahiedyju złačynstvam stalinskaha režymu, suprać hetaj zajavy vystupili tolki kamunisty.

«Apublikavanyja materyjały, jakija šmat hadoŭ zachoŭvalisia ŭ sakretnych archivach, śviedčać, što katynskaje złačynstva było ździejśniena pavodle pramoha zahadu Stalina dy inšych savieckich kiraŭnikoŭ»,
 — havorycca ŭ prajekcie dakumienta, jaki pavinny pryniać u piatnicu ŭviečary (pavodle novaha rehłamientu Dziaržduma hałasuje za ŭsie razhledžanyja prajekty paśla 16:00).

Pryniaćcie prymirenčaj rezalucyi źviazana z padrychtoŭkaj dziaržvizitu Miadźviedzieva ŭ Polšču (6 śniežnia), a dumski prajekt rychtavaŭsia z udziełam MZS Rasii, paviedamiła krynica ŭ MZS.

Kiraŭnik mižnarodnaha kamiteta Dziarždumy Kanstancin Kasačoŭ, pradstaŭlajučy dakumient na pasiadžeńni, nahadaŭ, što kiraŭnictva Rasii na padstavie archiŭnych dakumientaŭ užo zajaviła, što vina kiraŭnictva SSSR za Katynskuju trahiedyju pavinna być pryznana.

«Kali kiraŭnictva našaj krainy paličyła nieabchodnym pryznać vinu stalinskaha režymu za Katyń, to pytańnie našaha sumleńnia — pryznać heta paśla stolkich hadoŭ maŭčańnia».

Z hetym nie pahadzilisia kamunisty. Deputat ad KPRF Viktar Iluchin zajaviŭ, što prajekt zajavy Dziarždumy hruntujecca na falsifikavanych dakumientach, i što rasstreł pravodzili niemcy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?