Pra heta paviedamiŭ dyrektar aŭtacentra Ford «Atłant-M Baravaja» Siarhiej Jelistrataŭ.

Prajekt padklučeńnia maršrutak da vysakachutkasnaha Internetu znachodzicca na apošniaj stadyi raspracoŭki. Zaraz aŭtamabilnaja kampanija vyvučaje prapanovy niekalkich mabilnych apierataraŭ. «Kančatkovaje rašeńnie ab udziele ŭ prajekcie taho ci inšaha apieratara budzie prymacca z ulikam jaho hatoŭnaści pradastavić siertyfikavanaje abstalavańnie ŭ samyja karotkija terminy», — skazaŭ dyrektar, adznačyŭšy, što prajekt vyklikaŭ vialikuju cikavaść z boku viadučych hulcoŭ rynku sotavaj suviazi.

Niahledziačy na toje, što rašeńnie brać abo nie brać płatu za internet-dostup z pasažyraŭ, budzie prymać kožny pieravozčyk asobna, aŭtadylery Ford i sotavym apierataram buduć stvorany ŭmovy, pry jakich kančatkovym karystalnikam možna budzie prapanavać hetuju pasłuhu darma.

«Nam chaciełasia b, kab pasažyry mahli karystacca novymi technałohijami biaspłatna abo za minimalnuju płatu»,

— rastłumačyŭ Siarhiej Jelistrataŭ.

Što niemałavažna, pasažyry maršrutak, jakija zachočuć padklučycca da vysakachutkasnaha Internetu, nie pavinny buduć prachodzić identyfikacyju, jak heta ciapier adbyvajecca ŭ internet-kaviarniach. Reč u tym, što maršrutka nie moža razhladacca jak punkt kalektyŭnaha karystańnia, jaki abaviazany ažyćciaŭlać identyfikacyju internet-karystalnikaŭ, asabliva kali pieravozčyk nie biare płatu za karystańnie pasłuhaj dostupu da sieciva.

Sistema budzie realizavana na asnovie technałohii 3G. «Mabilnyja apieratary pracujuć nad pabudovaj schiemy, pry jakoj pasažyry buduć atrymlivać maksimalna stabilny i chutkasny dostup u Interniet u transparcie, — adznačyŭ surazmoŭca. — Pry hetym prajekt maje na ŭvazie aprabacyju novaj technałahičnaj madeli, adroznaj ad toj, da jakoj majuć dostup karystalniki mabilnaj suviazi» .

Pieršyja «internet-taksi» pavinny źjavicca i pačać pracu ŭ testavym režymie ŭžo ŭ studzieni 2011 hoda.

Płanujecca, što pieršyja takija maršrutki źjaviacca ŭ Minsku, Viciebsku, a taksama na mižharodnich maršrutach. «Dostup da technałahičnych rašeńniach i sumiesnym prajekcie Ford i adnaho z sotavych apierataraŭ suviazi atrymajuć tolki tyja pieravozčyki, jakija zachoŭvajuć standarty biaśpieki pieravozki pasažyraŭ», — udakładniŭ Siarhiej Jelistrataŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?