Vystup lidara kampanii «Havary praŭdu» Uładzimira Niaklajeva byŭ samym teatralnym siarod usich kandydataŭ.

Kandydat nie siadzieŭ, a stajaŭ na fonie płakata «Za Niaklajeva». U jaho była aktyŭnaja mimika i žestykulacyja. Časam heta nahadvała nie pramovu pretendenta na pasadu prezidenta, a vystup publicysta, dy navat šou artysta.

Byli šmatlikija pierachody ź biełaruskaj na rasijskuju i naadvarot. Časam Niaklajeŭ zaziraŭ u padrychtavanyja zahadzia papiery, ale asabliva nie złoŭžyvaŭ.

Niaklajeŭ adrazu skazaŭ, što jon nie havarun, jaki hatovy vystupać sutkami. «Siońnia adno, a zaŭtra — inšaje». Dla prezidenta najvažniejšaja zadača — umieć słuchać.

Niaklajeŭ čarhovy raz adkazaŭ tym niadobrazyčliŭcam, jakija ličać, što paetu nie miesca ŭ kreśle prezidenta. «Z paeta prezident moža vyjści nie horšy, čym z dyrektara saŭhasa».
Jak prykład, pryvioŭ češskaha prezidenta Vacłava Haveła.

Try pryncypy, jakimi kirujecca kandydat Niaklajeŭ heta: 1) prystojnaść, 2) zdarovy sens, 3) pavaha da ludziej.

Jon spyniŭsia na pracy, što ŭžo zrabiła kampanija «Havary praŭdu» apošnim časam. Heta i paštoŭki, što raspaŭsiudžvali miž ludziej, i sabranyja podpisy za vulicu Vasila Bykava. «ale ŭ adkaz my atrymali dulu».

Pra čynoŭnikaŭ: «Ich vienikam — kyš. I siadziš jak myš».

Asobny raździeł pramovy byŭ pryśviečany vyłučeńniu na Usiebiełaruski schod. Za vyłučeńnie Niaklajeva sabrali 27 tysiač podpisaŭ, ale heta ŭsio adno mała.

Jak alternatyvu jon prapanavaŭ pravieści svoj schod — 6 śniežnia a 18:00 na Pryvakazalnaj płoščy ŭ Minsku.

Uzhadaŭ, što i sam ledź nie trapiŭ za kraty, kali pieratrusy prachodzili ŭ aktyvistaŭ kampanii.

Narodnym zastupnikam padavaŭ siabie Niaklajeŭ u historyi z trubami ŭ haradku Dymki pad Barysavam. Praŭda, dvojčy pabłytaŭ nacisk u hetaj naźvie.

Spyniŭsia na Niaklajeŭ i na čutkach, što jon finansujecca za rasijskija hrošy. «U Łukašenki niama nijakich dokazaŭ hetamu. A ŭ mianie faktaŭ šmat, što jon klančyŭ hrošy ŭ Rasii», — zaznačyŭ kandydat. Niaklajeŭ pierakonvaŭ, što budzie imknucca budavać dačynieńni z Rasijaj lepš, čym Łukašenka.

Vialikaja častka pramova była pryśviečanaja vioscy, jak vyvieści sielskuju haspadarku z kryzisu.

Piensijanieraŭ supakoiŭ, što ničoha jany nie zhubiać u vypadku pieramohi Niaklajeva — piensii buduć pavyšacca. «Nie jon nas kormić, adziavaje, a my jaho», — skazaŭ kandydat.

Što da ekanamičnaj prahramy, to skazaŭ, što treba raźvivać mały i siaredni biźnies. Druhim momantam jon nazvaŭ uviadzieńnie «lidarskaj haspadarki». Pad hetym terminam, zdajecca, chavaŭsia revierans na adras dyrektaratu i abiacańnie rostu jahonaj vahi. «Łukašenka baicca bahatych ludziej», — skazaŭ Niaklajeŭ.

Niaklajeŭ zapeŭniŭ, što ŭ vypadku jahonaha abrańnia viartańnia da dyktatury nie budzie. Namalavaŭ karcinu, kali Łukašenka na Novy hod viartajecca da svajoj žonki i padymaje bakał za novaha prezidenta. A Niaklajeŭ z teleekrana padziakuju Łukašenku za niezaležnaść, zachavańnie sacyjalnaj harantyj i ekanomiki.

U kancy pramovy Niaklajeŭ zaklikaŭ nie chadzić na daterminovaje hałasavańnie, zatoje prychodzić na Kastryčnickuju płošču 19 śniežnia a 20-j hadzinie.

Vystup ža skončyŭsia vieršam i łahodnaj uśmieškaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?