8 śniežnia adbyŭsia treci tur. Jon prachodziŭ u Vialikaj kancertnaj zale Biełdziaržfiłarmonii ŭ supravadžeńni Dziaržaŭnaha akademičnaha simfaničnaha arkiestra RB.
U prastornym pamiaškańni, dy jašče na fonie arkiestra kankursanty zdabyli svoj praŭdzivy maštab. Lidary druhoha turu, jakija litaralna ahłušali ŭ kamiernaj zale, raptam vyjavilisia amal niačutnymi, a ich artystyčny tempieramient — zanadta drobnym dla kałasalnych kancertaŭ Rachmaninava. Novym lidaram staŭ vypusknik Kijeŭskaj muzyčnaj akademii Alaksandr Samojłaŭ — adziny čałaviek, jaki ŭ trecim tury hraŭ
U vyniku:
Pieršuju premiju nie prysudžali.
Druhuju premiju padzialili pamiž dvuma Alaksandrami — Samojłavym (Ukraina) i Panfiłavym (Rasija).
Treciuju premiju padzialili pamiž Facimoj Miardanavaj (Rasija) i Uładaj Šackaj (Biełaruś).
Paŭłu Nietuku i Jaŭhienu Hałanavu dali dypłomy.
Usie nibyta słušna i spraviadliva, nie ličačy taho, što Ułada Šackaja — taja samaja «dačka čalca žury», pra jakuju hudzieŭ ŭvieś internet na minułym konkursie i praciahvaje hudzieć na hetym, — nie pavinna była prajści navat u druhi tur. Na žal, jana stała łaŭreatam…
9 śniežnia, adbudziecca ŭračystaja cyrymonija i kancert, u jakim dva łaŭreaty druhoj premii buduć napałam hrać Treci kancert Rachmaninava. Jak stała viadoma litaralna ŭ apošniuju chvilinu, siudy ž płanujuć pryšpilić jašče adnu cyrymoniju — treciakurśnica Biełaruskaj akademii muzyki Ułada Bieražnaja ŭpieršyniu zhraje na skrypcy pracy Andrea Hvarniery, jakuju kupili dla stvaranaha nacyjanalnaha fondu instrumientaŭ.
Jakoje dačynieńnie heta maje da kancertu łaŭreataŭ, niezrazumieła,ale arkiestr užo papiaredzili, što treba budzie hrać pieršuju častku skrypičnaha kancerta Čajkoŭskaha.
