U 2007 hodzie Aleś Razanaŭ i Viktar Markaviec prasili za svaje pravy na «jajkakvardrat» u 1460000 razoŭ mienš.
Rasijskaja kampanija MTS zajaviła pra namier vykupić ułasny brend — vyjavu jajka ŭ kvadracie, paviedamlaje Hazieta.ru. Brend naležyć maciarynskaj struktury MTS — AFK «Sistiema». Za «jajka» kampanija MTS hatova vykłaści $438 młn.
U karotkaj historyi emteesaŭskaha «jajka» jość biełaruski śled. U 2007 hodzie paet Aleś Razanaŭ i mastak Viktar Markaviec sudzilisia z apierataram mabilnaj suviazi STAA «Mabilnyja TeleSistemy», sprabujučy adstajać u sudzie aŭtarskija pravy. Tvorcy śćviardžali, što hrafičny vobraz — biełaje jajka ŭ čyrvonym kvadracie i čyrvonaje jajka ŭ biełym kvadracie — jašče ŭ 1992 hodzie prydumali jany i dali nazvu «jajkakvadraty». Markaviec i Razanaŭ nastojvali na tym, kab kampanija MTS paprasiła ŭ ich prabačeńnie na staronkach haziet za vykarystańnie ichniaj intelektualnaj ułasnaści, a taksama kampiensavać pa 620 tysiač rubloŭ kožnamu z tvorcaŭ (na toj čas kala $300). U svaju čarhu apieratar mabilnaj suviazi pradstaviŭ sudu dokazy taho, što jany karystajucca vyjavaj absalutna zakonna, bo majuć na heta dazvoł ad rasijskaha ZAT «Sistemy telekamunikacyj, infarmatyki i suviazi». U vyniku sud paet i mastak prajhrali.
