Były ŭčastkovy inśpiektar Rahačoŭskaha RAUS, jaki zabiŭ z tabielnaha pistaleta22-hadovuju dziaŭčynu, pryhavorany da 18 hadoŭ pazbaŭleńnia voli. Takoje rašeńnie pryniaŭ 10 śniežnia Homielski abłasny sud.
Były milicyjanier pryznany vinavatym u zabojstvie žycharki vioski Žuravičy, učynienym z chulihanskich mierkavańniaŭ (p. 13 č. 2 art. 139 Kryminalnaha kodeksa). Pakarańnie jon budzie adbyvać u kałonii ŭzmocnienaha režymu.
Akramia taho, pa rašeńni suda były ŭčastkovy inśpiektar abaviazany kampiensavać paciarpiełym — baćkam zabitaj — materyjalny i maralny ŭron. Materyjalny ŭron acenieny sudom u pamiery kala 3 młn. rubloŭ, maralny — 70 młn.
Asudžany taksama pazbaŭleny zvańnia «kapitan milicyi», ź jaho spahnana bolš za 4 młn. rubloŭ na karyść balnicy,dzie na praciahu 10 dzion znachodziłasia paciarpiełaja dziaŭčyna.
Sud vynies pryvatnuju pastanovu ŭ adras načalnika ŭpraŭleńnia ŭnutranych spraŭ Homielskaha abłvykankama ab ustaranieńni vyjaŭlenych niedachopaŭ.
Vystupajučy ŭ sprečkach 8 śniežnia, dziaržabvinavaŭca prapanoŭvaŭ pryznačyć padsudnamu mieru pakarańnia ŭ vyhladzie pazbaŭleńnia voli terminam na 20 hadoŭ.
Pa zaklučeńni ekśpiertyzy, były milicyjanier psichična zdarovy i moh uśviedamlać svaje dziejańni.
Pavodle słoŭ dziaržabvinavaŭca, nazirajučy za pavodzinami abvinavačvanaha ŭ sudzie, jon pryjšoŭ da vysnovy, što
toj nie ŭśviedamlaŭ hłybini hora, jakoje pryčyniŭ siamji zahinułaj, i nie raskajaŭsia.
Źmiakčalnymi abstavinami prakuror nazvaŭ toje, što ŭ abvinavačvanaha jość dvoje niepaŭnaletnich dziaciej, a taksama toje, što jon mieŭ stanoŭčyja charaktarystyki. Abciažarvajučymi abstavinami, pavodle słoŭ dziaržabvinavaŭca, stała toje, što ŭ momant učynieńnia złačynstva ŭčastkovy byŭ pjany, i toje, što jon prymaŭ prysiahu na viernaść Biełarusi i jaje narodu.
U svaju čarhu advakat abvinavačvanaha pastaviŭ pad sumnieńni pakazańni śviedak i prasiŭ sud pierakvalifikavać abvinavačvańnie z artykuła 139 (zabojstva) na artykuł 144 KK (pryčynieńnie śmierci pa nieaściarožnaści).
Baćki zabitaj dziaŭčyny zadavolenyja pryhavoram suda i ličać jaho spraviadlivym.
Padsudny, vystupajučy z apošnim słovam, paprasiŭ prabačeńnia ŭ svajakoŭ zabitaj im dziaŭčyny i paprasiŭ pabłažki ŭ sudździaŭ.
Trahiedyja adbyłasia ŭ noč z 6 na 7 lipienia hetaha hoda, kali ŭ vioscy Žuravičy śviatkavali Kupalle. Učastkovy milicyjanier Rahačoŭskaha RAUS paraniŭ miascovuju žycharku z tabielnaha pistaleta ŭ słužbovaj mašynie. Dziaŭčyna atrymała ślapoje ahniastrelnaje ranieńnie hałavy i praz 10 dzion dziaŭčyna pamierła ŭ reanimacyi.