Prakuratura Minskaj vobłaści praviadzie dadatkovuju pravierku pa spravie Aleha Biabienina. Jaje meta — vyśvietlić matyvy samazabojstva žurnalista. Pra heta BiełaPAN paviedamiŭ namieśnik hienieralnaha prakurora Biełarusi Andrej Švied.
Jon patłumačyŭ, što rašeńnie ab admovie va ŭzbudžeńni kryminalnaj spravy było pryniata 3 śniežnia ŭ suviazi z zakančeńniem trochmiesiačnaha terminu praviadzieńnia pravierki, a taksama «z-za adsutnaści padstavaŭ dla ŭzbudžeńnia spravy». Zatym prakuror nahladu ŭ prakuratury Minskaj vobłaści admianiŭ pryniataje rašeńnie i nakiravaŭ materyjały na dadatkovuju pravierku.
BiełaPAN nahadvaje, što cieła Aleha Biabienina, adnaho z zasnavalnikaŭ i kiraŭnikoŭ sajta „Chartyja-97“, było znojdziena ŭ piatli 3 vieraśnia ŭ zaharadnym domie ŭ vioscy Piarchurava Dziaržynskaha rajona Minskaj vobłaści. «Da pravierki abstavin śmierci žurnalista pryciahvalisia ekśpierty ABSIE. U padrychtavanym imi zaklučeńni skazana: vyniki ŭskryćcia i rečavyja dokazy, sabranyja na miescy zdareńnia, „iasna śviedčać, što pryčynaj śmierci stała samazabojstva praz paviešańnie“. Šmatlikija kalehi i siabry žurnalista, u tym liku kandydat na prezidenta Biełarusi Andrej Sańnikaŭ, u čyju kamandu ŭvachodziŭ Biabienin, ź viersijaj samazabojstva nie zhodnyja.»