Tradycyja vieršaskładańnia ŭ honar pradstaŭnikoŭ ŭłady siahaje sivoj minuŭščyny.Jašče siaredniaviečnyja ŭładary lubili, kali prydvornyja paety składali ody ŭ ich honar. Biełaruskaja sučasnaść pryŭniesła ŭ hetuju tradycyju jakasnyja i kolkasnyja źmieny — z radyjokropak i ekranaŭ televizaraŭ zahučali pieśni, składzienyja ŭ honar prezidenta. Asabliva jaskravaj vydałasia sioletniaja prezidenckaja kampanija. Jaje asablivaść u tym, što napačatku źjaviłasia iraničnaja pieśnia ab biezvychodnaści palityčnaj situacyi ŭ Biełarusi. Adnak nie ŭsie zrazumieli hetuju iraničnaść i chłopcy ź nieviadomaha raniej hurtu «Rokierdžokier» pačali hučać na ŭsich radyjostancyjach.
Što praŭda, biełaruskija internaŭty vielmi chutka daviali absurdnaść pieśni «Sania ostanietsia s nami» da łahičnaha zaviaršeńnia.Novaja viersija klipu ŭmomant zdabyła papularnaść u biełaruskich błohach i sacyjalnych sietkach.
Cikava, što jaskravaja palityčnaja fihura Łukašenki pryciahvaje ŭvahu tvorcaŭ nie tolki z abšaraŭ Siniavokaj. Nieviadomyja rasijskija muzyki prosta ŭ studyi radyjostancyi zapisali klip, ad prahladu katoraha ŭ vyšejšych ešałonach biełaruskaj ułady moža spynicca nie adno serca.
Taki sabie padarunak na Novy hod ad bratniaha narodu. Što praŭda, u śviatle apošnich damoŭlenaściaŭ Maskvy i Minska, nie zusim aktualny.
Paśla takoha ŭdaru z uschodu samy čas pryhadać kampaniju 2006 hodu i jaje znakamity chit «Słuchaj Baćku»,
Złyja jazyki pahavorvajuć, što takim čynam spadar Jarmolenka chacieŭ vyjści ź niamiłaści, u katoruju trapiŭ, abaraniajučy biełaruskuju movu.Tak heta, albo nie — nieviadoma. Adnak ź niamiłaści Jarmolenka vyjšaŭ.
Zdavałasia b, chit «Siabroŭ» zastaniecca niepieraŭzydzienym.
Adnak litaralna ŭčora bajnet skałanuŭsia. U sietcy źjaviłasia pieśnia, jakaja niesumnienna stanie etapam raźvićcia ŭsiaho biełaruskaha muzyčnaha mastactva.Darma, što vykonvaje jaje dziciačy chor. Videa pakul niama, ale, uličvajučy šalonuju papularnaść treka, klip na jaho nieŭzabavie pavinien źjavicca.
«Naš priezidient», aŭtarstva
Adnak niezaležnicki łahier byŭ hatovy da takoha kroku. Niekalki tydniaŭ tamu na prastorach biełaruskaha internetu pačaŭ hulać klip hurtu «Antyakupanki» «Tolki Zianon!».
Cikava, što pakul tolki dva biełaruskija palityki byli ŭvasoblenyja ŭ muzyčnych tvorach. Čas inšych, spadziajemsia, jašče napieradzie.
