Padazravanych u napadzie na pasolstva Rasii ŭ Minsku pieradali Biełarusi

Asoby, padazronyja ŭ napadzie na pasolstva Rasii ŭ Minsku 30 žniŭnia, pieradadzieny biełaruskamu boku, paviedamiŭ pradstaŭnik dypmisii RF.

Nahadajem, u toj dzień złamyśniki kinuli na terytoryju pasolstva butelki z zapalnaj sumieśsiu, u vyniku čaho zahareŭsia słužbovy aŭtamabil «Mazda-3». Na miescy zdareńnia była znojdziena šklanaja butelka jomistaściu 0,33 litra z reštkami haručaj sumiesi i askołki šklanoj butelki z reštkami knotu. Pa fakcie incydentu była raspačata kryminalnaja sprava pa artykule «Chulihanstva».

Pavodle infarmacyi supracoŭnika pasolstva RF, padazronyja zatrymany ŭ Rasii i departavany ŭ Biełaruś, usie jany źjaŭlajucca biełaruskimi hramadzianami. «Jany pieradadzieny biełaruskamu boku, jaki praciahvaje apieratyŭna-śledčyja dziejańni pa fakcie napadu na pasolstva», — skazaŭ jon.

Kolki čałaviek zatrymana i kali adbyłosia zatrymańnie, pradstaŭnik pasolstva nie ŭdakładniŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH