Biełaruski niezaležny prafsajuz (BNP) harniakoŭ, chimikaŭ, naftapierapracoŭščykaŭ, enierhietykaŭ, transpartnikaŭ, budaŭnikoŭ i inšych rabotnikaŭ vystupiŭ z zajavaj, u jakoj patrabuje admianić akcyjanavańnie «Biełaruśkałija».
Jak paviedamiŭ lidar BNP Vasil Korabaŭ, zajava była pryniata na pasiadžeńni vykanaŭčaha biuro prafsajuza 3 śniežnia i nakiravana ŭ orhany ŭłady, jakija zajmalisia akcyjanavańniem «Biełaruśkałija», a taksama ŭ prakuraturu.
Praanalizavaŭšy nacyjanalnaje zakanadaŭstva, BNP pryjšło da vysnovy, što akcyjanavańnie pradpryjemstva było praviedziena z parušeńniem Kanstytucyi i Hramadzianskaha kodeksa. Prafsajuz patrabuje admianić pryvatyzacyju pradpryjemstva i pieraŭtvaryć jaho nazad u RUP «VA «Biełaruśkalij».
Na dumku pradstaŭnikoŭ BNP, adzinaj pryčynaj rašeńnia pradać «Biełaruśkalij» źjaŭlajecca «niedachop hrošaj u dziaržavy». «Navat kali ŭ chutkim časie inviestar nie źjavicca, ničoha strašnaha, bo ŭvieś prybytak hetak zvanaha akcyjaniernaha tavarystva ŭžo naležyć adnamu „inviestaru“ ŭ asobie dziaržavy, — havorycca ŭ zajavie. — Reč u tym, što inviestar, zhodna z zakonam, nie moža być adzin. Sam z saboj pryvatyzacyju nichto nie pravodzić. Tym bolš što rabotniki pradpryjemstva, jakija pavinny i abaviazany byli atrymać častku akcyj biaspłatna abo za hrošy, naohuł adchileny ad spraŭ, jak i astatnija hramadzianie Respubliki Biełaruś».
Pradstaŭniki prafsajuza spasyłajucca na zakon «Ab akcyjaniernych tavarystvach» i artykuł 98 Hramadzianskaha kodeksa «Utvareńnie akcyjaniernaha tavarystva», zhodna ź jakim akcyjaniernaje tavarystva nie moža być utvorana adnoj asobaj abo składacca z adnoj asoby. U vypadku nabyćcia adnym akcyjanieram usich akcyj tavarystva jano likvidujecca abo pieraŭtvarajecca va ŭnitarnaje pradpryjemstva ŭ adpaviednaści z zakanadaŭstvam, zaznačajecca ŭ zajavie.
Rabotniki «Biełaruśkałija» ŭ parušeńnie zakonu byli pazbaŭleny prava na častku dziaržaŭnaj ułasnaści, što biaspłatna pieradajecca, padkreślivajecca ŭ zajavie.
***
«Biełaruśkalij» — adzin z najbujniejšych u śviecie i samy bujny ŭ SND vytvorca i pastaŭščyk kalijnych minieralnych uhnajeńniaŭ, adno ź viadučych pradpryjemstvaŭ — eksparcioraŭ krainy. Raźmieščana ŭ Salihorsku (Minskaja vobłaść). U jaho skład zaraz uvachodziać čatyry rudaŭpraŭleńni. Ahulnaja kolkaść rabotnikaŭ — pryblizna 20 tysiač. «Biełaruśkalij» vypuskaje kožnuju šostuju tonu kalijnych uhnajeńniaŭ u śviecie. Sumiesna z AAT «Urałkalij» źjaŭlajecca zasnavalnikam ZAT «Biełaruskaja kalijnaja kampanija» — adnaho z najbujniejšych pastaŭščykoŭ kalijnych uhnajeńniaŭ.
U žniŭni 2010 hoda RUP «VA «Biełaruśkalij» było pieraŭtvorana ŭ AAT, 100% akcyj jakoha naležać dziaržavie. «Biełaruśkalij» byŭ uklučany ŭ płan pryvatyzacyi na 2010 hod.
Jak zajaviŭ žurnalistam u žniŭni pieršy
U listapadzie staršynia Dziaržaŭnaha kamiteta pa majomaści Hieorhij Kuźniacoŭ paviedamiŭ žurnalistam, što ŭvieś pakiet akcyj AAT «Biełaruśkalij» acenieny ŭ 30 młrd. dołaraŭ ZŠA. Pavodle jaho słoŭ, acenku praviało RUP «Instytut nieruchomaści i acenki». Kuźniacoŭ taksama zajaviŭ, što pytańnie z prodažam akcyj «Biełaruśkałija» «pakul zavisła». «Napeŭna, kitajcy dumajuć. My skazali im košt i našy ŭmovy. Jany dumajuć, prymalnyja hetyja ŭmovy dla ich ci nie», — skazaŭ čynoŭnik.
