U Osła adbyłasia cyrymonija ŭručeńnia Nobieleŭskaj premii miru za 2010 hod. Adnak premija nie była ŭručana, bo ni jaje łaŭreat, jaki siadzić u turmie, ni jahonyja svajaki, jakich ułady KNR nie vypuścili ŭ Narviehiju, na cyrymonii nie prysutničali.
Staršynia Narviežskaha Nobieleŭskaha kamitetu Torbjorn Jahłand zajaviŭ, što kitajski dysident Lu Siaobo ŭhanaravany premijaj za ŭniosak u šmathadovuju niehvałtoŭnuju baraćbu za fundamientalnyja pravy čałavieka ŭ Kitai.
Ułady KNR rezka asudzili rašeńnie ab uznaharodžańni Lu Siaobo, jakoha jany nazyvajuć «złačyncam».
