Alaksandr Łukašenka abvierhnuŭ čutki ab tym, što adnosiny ź jaho rasijskim kaleham Dźmitryjem Miadźviedzievym sapsavalisia. Pra heta kiraŭnik biełaruskaj dziaržavy zajaviŭ siońnia žurnalistam paśla zaviaršeńnia samitu ADKB u Maskvie.
«My ź Miadźviedzievym i nie svarylisia», — skazaŭ Alaksandr Łukašenka. «Ja jašče ŭ Minsku havaryŭ: daremna niekatoryja pacirajuć ruki za śpinami prezidentaŭ Biełarusi i Rasii, radujučysia. Jak niečakana našy adnosiny sapsavalisia — tak niečakana dla mnohich jany i narmalizujucca. My strymali svajo słova», — adznačyŭ Alaksandr Łukašenka. «Dla vas heta była niečakanaść, dla nas — nie», — dadaŭ jon.
Prezident taksama padkreśliŭ, što viałasia vielmi napružanaja rabota nad tym, kab pryjści da tych pahadnieńniaŭ, jakija byli padpisany napiaredadni ŭ Maskvie.
«Nie pieražyvajcie: navat kali my pasvarymsia — my znojdziem čas pamirycca», — zapeŭniŭ Alaksandr Łukašenka.
