Alaksandr Łukašenka ŭpeŭnieny, što prezidenckija vybary, jakija majuć adbycca, pryviaduć da palityčnych pieramien u Biełarusi, ale kraina ŭsio roŭna budzie prytrymlivacca kursu na supracoŭnictva ź inšymi dziaržavami.
«Jakija b tam ni byli palityčnyja pieramieny, a jany abaviazkova buduć, upeŭnieny, što vy mieli na ŭvazie palityčnyja pieramieny naohuł, a nie sa źmienaj ułady ŭ Biełarusi, — chacia ŭsiakaje moža być, heta palityka. Navat kali tam buduć inšyja prezidenty va ŭładzie, paviercie, Biełaruś budzie prytrymlivacca pryncypaŭ supracoŭnictva. Inšaha nie dapuskaje biełaruski narod», — pryvodzić RIA Novosti słovy Łukašenki, skazanyja na
Jon padkreśliŭ, što Biełaruś — kraina, «poŭnaściu adkrytaja dla pryjezdu i kantrolu za pieradvybarnaj kampanijaj, jakaja zaraz prachodzić».
«My ŭžo raskryli krainu, pryjazdžajcie ŭsie, chto chočacie,
kamu i byŭ u svoj čas abjektyŭna adkryty ŭjezd u krainu, što chočacie — havarycie, idzicie, hladzicie ŭrny, biuleteni, usio praviarajcie, kali łaska. Tolki kab potym nie skazali, što my dzieści tam niejak skryta pravodzili», — dadaŭ Łukašenka.
«Vy, uvohule, nahladzielisia nie tych kanałaŭ, nie tyja ŚMI čytajecie.
My budziem vam biełaruskuju presu prysyłać, kab vy alternatyŭny punkt hledžańnia viedali», — paabiacaŭ Łukašenka žurnalistcy, jakaja zadała pytańnie ab pierśpiektyvach palityčnaha raźvićcia Biełarusi.
Jon taksama zapeŭniŭ, što ŭ krainie niama nijakich kanfliktaŭ ni na nacyjanalnaj, ni na relihijnaj, ni na palityčnaj hlebie.
«My ŭžo stali takoj demakratyčnaj dziaržavaj, što ja bajusia, kab ad mianie ŭžo inšyja kiraŭniki dziaržaŭ nie šarachalisia jak ad bujnoha demakrata», — skazaŭ jon.
