Niekalki tysiač fanataŭ vyjšli na vulicy, kab nahadać pra śmierć prychilnika maskoŭskaha «Spartaka» Jahora Śvirydava
U Maskvie adbylisia masavyja sutyčki futbolnych fanataŭ z AMONam. Fota fcsm-nv.livejournal.com
Fanaty vyjšli na vulicy, kab nahadać pra śmierć prychilnika maskoŭskaha «Spartaka» Jahora Śvirydava. Fota fcsm-nv.livejournal.com
Da pačatku masavych sutyknieńniaŭ ź milicyjaj fanaty źbili kala dziesiaci kaŭkazcaŭ. Fota fcsm-nv.livejournal.com
U Maskvie adbylisia masavyja sutyčki futbolnych fanataŭ z AMONam. Fota novayagazeta.livejournal.com
U Maskvie adbylisia masavyja sutyčki futbolnych fanataŭ z AMONam. Fota novayagazeta.livejournal.com
Hości rasijskaj stalicy schavalisia ad raźjatranaha natoŭpu ŭ mietro. Fota drugoi.livejournal.com
11 śniežnia ŭ subotu ŭ Maskvie adbylisia masavyja sutyknieńni futbolnych fanataŭ ź milicyjaj, paviedamlaje Hazieta.ru. Pa infarmacyi žurnalistaŭ, što znachodzilisia na miescy padziejaŭ, u bojcy z AMAPam udzielničała niekalki socień čałaviek. Bojka pačałasia paśla niaŭdałaj sproby fanataŭ pierakryć adnu z vulic.
Niekalki tysiač fanataŭ vyjšli na vulicy, kab nahadać pra zabojstva prychilnika maskoŭskaha «Spartaka» Jahora Śvirydava. Jašče da pačatku masavych sutyknieńniaŭ ź milicyjaj fanaty źbili kala dziesiaci kaŭkazcaŭ.
U bojkach z AMAPam jość paciarpiełyja z abodvuchbakoŭ. Pratestoŭcy vykarystoŭvali suprać milicyjantaŭ usio, što traplała pad ruki — ad jełačnych cacak, da armatury. AMAP adkazvaŭ dubinkami i ślezaciečnym hazam. Fanaty vykrykvali nacyjanalistyčny łozunh «Russkije, vpieried!», a taksama «Za ubijstvo otvietiat vaši dieti!». Usiaho ŭ akcyjach pratestu pa roznych acenkach pryniali ŭdzieł ad 2 da 5 tysiač čałaviek.
Paśla sutyčak u centry fanaty pačali raźjazdžacca pa spalnych rajonach. Maskoŭskaja milicyja paparedziła ŭłaśnikaŭ handlovych kropak, raźmieščanych pa linijach mietro pra pahrozu pahromaŭ. Začynienyja niekalki kramaŭ, u jakich pracujuć vychadcy z Azii i Kaŭkazu. U Maskvie zadziejničanyja dadatkovyja narady milicyi.
***
Jahor Śvirydaŭ zahinuŭ u sutyčcy z dahiestancami ŭ noč na 7 śniežnia. Jamu strelili ŭ hałavu z traŭmatyčnaha pistaleta. Jahoru było 28 hadoŭ. Jahonaha siabra vyratavali miedyki, u jaho było čatyry ranieńni. Zabojstva futbolnaha fanata spravakavała masavyja akcyi pratestu ŭ Sankt-Pieciarburhu i Maskvie, jakija skončylisia sutyčkami ź milicyjaj.