Jak i ŭ 2006 hodzie, ułady nahniatajuć histeryju, kab adstrašyć vybarcaŭ ad vychadu na Płošču.
U 2006 hodzie hetuju funkcyju vykonvaŭ hienierał Sucharenka, z historyjami pra padpały i dochłych pacukoŭ. Sioleta pytańniem zaniaŭsia kiraŭnik Administracyi prezidenta.
«Apazicyjnyja kandydaty na pasadu prezidenta Biełarusi, zaklikajučy prychilnikaŭ sabracca ŭ dzień vybaraŭ 19 śniežnia na Kastryčnickaj płoščy Minska, nasamreč rychtujuć pravakacyi, u tym liku z prymianieńniem vybuchovych rečyvaŭ», — paviedamiŭ u efiry biełaruskaha telekanała
«Ciapier užo viadoma, što jany nie źbirajucca mirnym čynam pravodzić heta mierapryjemstva, — raspavioŭ kiraŭnik prezidenckaj administracyi. — Užo rychtujucca hrupy bajevikoŭ,
užo zakuplajucca ciopłyja rečy, piratechničnyja i navat vybuchovyja rečyvy.
Tamu apazicyjnyja kandydaty adnaznačna nacelvajuć ludziej, nacelvajuć svaich prychilnikaŭ na pravakacyi, na stvareńnie vydatnaj «karcinki» dla zachodniaha telebačańnia, kab potym skazać: voś, bačycie, jakaja jana ŭłada — žorstkaja, jak jana žorstka abychodzicca sa svaimi vybarščykami».
Makiej taksama dadaŭ: «Dumaju, što va ŭładzie dastatkova sił i srodkaŭ, kab adreahavać spakojna i hodna na padobnaha rodu situacyju».
Hetuju zajavu raspaŭsiudzili biełaruskija i rasijskija infarmahienctvy. Cikava, što Makiej havoryć u joj pra karcinku «dla zachodniaha telebačańnia», a nie rasijskich kanałaŭ.
