U redakcyju «Našaj Nivy» patelefanavaŭ Kastuś Šytal, jaki na hetych vybarach byŭ naziralnikam ad Biełaruskaha Chielsinkskaha kamitetu. Jon raspavioŭ, što pabačyŭ siońnia pry padliku hałasoŭ na vybarčym učastku №2. Tut staršyniavała Tamara Novik, sakratarom była Laškievič Taćciana.

Kastusiu dazvolili sieści da stała ź biuleteniami na adlehłaści kala adnaho mietra. «Ja na svaje vočy bačyŭ, jak siabra kamisii Dźmitryj Novik uziaŭ stos biuleteniaŭ, na jakich ptušački stajali za alternatyŭnych kandydataŭ, pakłaŭ źvierchu 3-4 biuleteni za Łukašenku i adnios hety stos na stoł z papierami za Łukašenku». Taksama Kastuś Šytal źviarnuŭ uvahu na takuju akaličnaść: kali na stoł vysypali biuleteni sa skryniaŭ dla daterminovaha hałasavańnia, to akazałasia, što za Łukašenku ich było ŭ razy bolš, čym za inšych kandydataŭ razam uziatych.

Kastuś patłumačyŭ, što nijakich zaŭvah kamisii nie rabiŭ, bo chacieŭ prysutničać pry padliku hałasoŭ da kanca. «Ciaham dnia mianie pravakavali na toje, kab vydalić z učastka», — raspavioŭ K. Šytal.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?