Dziaržaŭny litaraturny muziej Janki Kupały 5 studzienia 16-j hadzinie zaprašaje na pres-kanfierencyju, pryśviečanuju novamu muzyčnamu ŭvasableńniu paemy Janki Kupały «Kurhan».

Sapraŭdnym šedeŭram litaratury, idei i siužety jakich natchniajuć tvorcaŭ praktyčna ŭsich vidaŭ mastactva, ułaściva vychodzić za miežy svajho žanru. Heta datyčycca i paemy Janki Kupały «Kurhan», 100-hodździe jakoj adznačałasia ŭ minułym hodzie. U 1980 h. ansamblem «Pieśniary» na firmie «Miełodyja» byŭ zrobleny zapis alboma z rok-opieraj «Huślar» pa paemie pieršaha narodnaha paeta Biełarusi z muzykaj Ihara Łučanka i aranžyroŭkami Uładzimira Mulavina. Doŭhi čas rok-opiera źjaŭlałasia niezasłužana zabytaj, a miž tym uvajšła ŭ dvaccatku lepšych tvoraŭ śvietu, što stvorany ŭ stylistycy prahresiŭ-roka. Praz tryccać hadoŭ novaje muzyčnaje pračytańnie bieśśmiarotnaj paemy prapanuje paet Andrej Skarynkin. Pa jaho inicyjatyvie i niepasrednym udziele zapisany i ŭbačyŭ śviet dysk z rok-opieraj «Kurhan».

Pa słovach aŭtara prajekta, u sučasnym varyjancie rok-opiery tekst tvora Janki Kupały vykarystany poŭnaściu, muzyčny materyjał dapoŭnieny Iharam Łučankom druhoj partyjaj Kniazia, intradukcyjaj da asnoŭnaj temy Śviatasłava Paźniaka, adnak zachavana i ŭsio toje, što było stvorana Uładzimiram Mulavinym i inšymi ŭdzielnikami ansambla «Pieśniary».

U prajekcie taksama brali ŭdzieł Anatol Jarmolenka, Valeryj Dajneka, Ina Afanaśjeva, Jan Cybulka, art-hurt «Biełarusy» pad kiraŭnictvam Valeryja Šmata, Siarhiej Ancišyn i Valeryj Anisienka.

Na pres-kanfierencyju zaprošany Andrej Skarynkin, Ihar Łučanok, Valeryj Dajneka, Ina Afanaśjeva, Uładzisłaŭ Misievič, Valeryj Šmat, Jan Cybulka, Siarhiej Ancišyn, Valeryj Anisienka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?