U Biełarusi 4 studzienia ŭstupaje ŭ siłu novaja redakcyja pravił darožnaha ruchu, paviedamili karespandentu BIEŁTA u Dziaržaŭtainśpiekcyi.

Papraŭki byli patrebnyja, u pryvatnaści, kab pryvieści praviły ŭ adpaviednaść z šeraham narmatyŭnych pravavych aktaŭ. U tym liku heta datyčycca mahčymaści raźjezdu pry DTZ, škoda jakoha nie pieravyšaje 200 jeŭra. U hetym vypadku pavinny być vykananyja i niekatoryja inšyja patrabavańni. Taksama ŭ novych praviłach darožnaha ruchu zaraz raskryta paniaćcie pakidańnia miesca darožna-transpartnaha zdareńnia.

Akramia taho, zaraz na mapiedach (skuterach) možna budzie pieravozić pasažyraŭ, kali jość dadatkovaje siadzieńnie, ustalavanaje vytvorcam. U toj ža čas, jak i na matacykle, na zadnim siadzieńni mapieda nielha pieravozić dziaciej va ŭzroście da 12 hadoŭ.

Abnoŭlenyja PDR vyrašyli prablemu z rehistracyjaj kvadrycykła. Novyja praviły dazvalajuć rehistravać taki transpart pa katehoryi V.

Novy dakumient pašyraje i patrabavańni da ŭdzielnikaŭ darožnaha ruchu, jakija nie źjaŭlajucca kiroŭcami. Naprykład, raniej nie zusim było zrazumieła, jakija dziejańni pavinien ździajśniać pasažyr, jaki staŭ ŭdzielnikam DTZ. Zaraz udakładniajecca, što jon pavinien akazać pieršuju miedycynskuju dapamohu.

Niemałavažnaje novaŭviadzieńnie datyčycca parušeńnia pravił parkoŭki. Zaraz DAI zmoža błakavać koły hruzavikoŭ masaj bolš 3,5 t, aŭtobusaŭ, kołavych traktaroŭ i samachodnych mašyn. Dla hetaha budzie vykarystoŭvacca admysłovy techničny srodak.

Novaja redakcyja PDR udakładniaje taksama paradak razhruzki tavaraŭ u kramy z aŭtatranspartu. Kali raniej hruzavikam i furhonam było dazvolena padjazdžać da handlovych kropak pa piešachodnaj zonie, kali niama inšaj mahčymaści, to zaraz dazvoleny i prypynak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?