U hetyja vychadnyja dni (8–9 studzienia) u Biełarusi čakajecca značnaje paciapleńnie, jakoje pryniasuć pavietranyja masy, što pastupajuć z paŭdniovaha zachadu Jeŭropy, paviedamiła BIEŁTA hałoŭny sinoptyk Respublikanskaha hidramieteacentra Volha Fiadotava.

Čakajucca apadki ŭ vyhladzie daždžu i mokraha śniehu. Miescami zhuścicca tuman i zachavajecca hałalod. Darohi buduć ślizkija. Subotnim dniom prahnazujecca ad minus 2 da plus 3 hradusaŭ. U niadzielu tempieratura pavietra na praciahu sutak budzie vahacca ad minus 3 da plus 3 hradusaŭ. A ŭ pačatku biahučaha tydnia budzie pieravažać maroznaje nadvorje, projdzie śnieh. Śniežań 2010 hoda staŭ samym chałodnym i śniežnym u Biełarusi za apošniaje dziesiacihodździe, paviedamiła BIEŁTA načalnik adździeła klimatu Respublikanskaha hidramieteacentra Alena Kamaroŭskaja. Tempieratura pavietra ŭ śniežni ŭ siarednim skłała minus 7 hradusaŭ, što nižej za klimatyčnuju normu na 3 hradusy. Najbolšyja admoŭnyja adchileńni ad normy adznačany na terytoryi Hrodzienskaj vobłaści (minus 4 hradusy), najmienšyja — u Homielskaj vobłaści (minus 2,5 hradusa). Na mieteastancyi Paleskaja 1 śniežnia zarehistravana samaja nizkaja tempieratura pavietra ŭ śniežni 2010 hoda — minus 29,5 hradusa, samaja vysokaja — u Breście 24 śniežnia (plus 9,2 hradusa). Za śniežań u Biełarusi vypała kala 62 mm apadkaŭ pry klimatyčnaj normie 44 mm, heta značyć 140 pracentaŭ da klimatyčnaj normy. U Viciebskaj vobłaści kolkaść apadkaŭ była najbolšaja — 75 mm. Takoje ŭ hetym rehijonie byvaje prykładna adzin raz u 30 hadoŭ.

Pavodle źviestak Respublikanskaha hidramieteacentra, 3 studzienia vyšynia śniežnaha pokryva ŭ Biełarusi skłała ad 16 sm u Mazyry da 57 sm u Połacku. Dla Połacka heta rekord nie tolki dnia, ale i zimy: da hetaha tut maksimalnaja vyšynia była zafiksavana zimoj 1964/1965 hoda — 56 sm.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?