3 studzienia, vyjšli na volu ŭdzielniki akcyi pratestu, jakim sudy vynieśli pakarańni ŭ vyhladzie 15 sutak administratyŭnaha aryštu.

Pry vyzvaleńni z centru izalacyi pravavaparušalnikaŭ vyśvietliłasia, što administracyja ŭstanovy ŭtojvała sapraŭdnuju kolkaść aryštavanych, jakija tam utrymlivalisia 15 sutak

. Tak, zhodna sa śpisami, pradstaŭlenymi ŭ CIP, siońnia pavinny byli vyjści 28 čałaviek, na samoj spravie administratyŭna aryštavanych na dadzieny termin i vyzvalenych akazałasia 45.
Pieršaja hrupa ŭ kolkaści 16 čałaviek była adpuščana z samoha centru izalacyi ŭsiaredzinie dnia, astatnija aryštavanyja vyvozilisia arhanizavana na adnym aŭtazaku i 2 uazikach užo bližej da viečara, i ludzi, jakija sabralisia sustreć svaich blizkich i siabroŭ, nie zamahli heta zrabić, a vymušany byli šukać vyzvalenych pa horadzie.

U Žodzina ź izalataru siońnia byli vyzvaleny 103 čałavieki. Sustreć blizkim i siabram vyzvalenych taksama ŭdałosia nie ŭsim. Administracyja izalataru arhanizavała dastaŭku ludziej u Minsk, ale kali adzin aŭtobus spyniŭsia i vysadziŭ «aryštantaŭ» kala stancyi mietro «Uschod», dzie ich čakali rodnyja i vałanciory, to druhi aŭtobus tam nie spyniŭsia i pavioz ludziej u nieviadomym nakirunku, vidać, padalej ad miescaŭ, dzie vyzvalenych mahli čakać.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?