Byłaja namieśnica redaktara «SB-Biełaruś Siehodnia» Hanna Šadryna abviarhaje na staronkach svajoj haziety infarmacyju, jakuju raspaŭsiudziła, pa jaje słovach, Śviatłana Kalinkina z «Narodnaj voli».

«1 studzienia ŭ artykule Kalinkinaj źjaŭlajecca nastupny abzac: «Kaleha ź viadučaj dziaržaŭnaj haziety pad vialikim sakretam pryznałasia, što ŭ ich zvalniajecca namieśnik hałoŭnaha redaktara. Paśla padziej 19 śniežnia viadomaja i daśviedčanaja žurnalistka na płaniorcy zajaviła, što bolš nie moža pracavać u vydańni, jakoje apraŭdvaje hety režym». Heta pra mianie ŭ zahadkavym «palityčnym interjery»! Choć za «viadomuju» dziakuj, uśmichajusia».- piša Šadryna.

Dalej jana iranična pačynaje vučyć Kalinkinu, jak treba pracavać žurnalistu, prapanuje «praviarać praŭdzivaść infarmacyi» i brać kamientary. «Daliboh, nijakavata vas vučyć prafiesii, ale ja i napraŭdu nie razumieju, niaŭžo ciažka źniać słuchaŭku», — piša Šadryna.

Byłaja namieśnica redaktara raskazała, što maryć być vykładčykam žurfaka. A sychodzić z haziety, bo choča vyzvalić miesca dla pary-trojki varjactvaŭ.
«Mienavita ciapier ja ŭ takim uzroście, kali jašče možna paśpieć ździejśnić paru-trojku varjactvaŭ. Ja žadaju jeździć na kanfierencyi i ŭ ekśpiedycyi, bałamucić interniet-prajektykalehami-fryłansierami, pisać knihi i scenary», — tłumačyć Šadryna svoj sychod.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?