Ranicaj 4 studzienia pres-sakratar hramadzianskaj kampanii «Havary praŭdu!» Julija Rymašeŭskaja padćvierdziła ŭ razmovie z karespandentam «Našaj Nivy», što zapłanavanaja na 4 studzienia pres-kanfierencyja Andreja Dźmitryjeva nie adbudziecca.

«Nami było pryniataje rašeńnie, što ŭ dadzienaj situacyi praviadzieńnie pres-kanfierencyi niemetazhodnaje. Adnak u bližejšyja dni Andrej Dźmitryjeŭ daść razhornutaje intervju, u jakim pastarajecca dać usie mahčymyja adkazy», — paviedamiła Julija Rymašeŭskaja.

Nahadajem, što Andrej Dźmitryjeŭ, jaki kiravaŭ štabam Uładzimira Niaklajeva, byŭ zatrymany ranicaj 20 śniežnia i źmieščany ŭ SIZA KDB. Jaho padazrajuć u arhanizacyi masavych biesparadkaŭ 19 śniežnia. Ranicaj 3 śniežnia Dźmitryjeŭ byŭ vypuščany pad padpisku ab niavyjeździe.

Na dadzieny momant u SIZA KDB utrymlivajucca inšyja davieranyja asoby Uładzimira Niaklajeva (Alaksandr Fiaduta i Siarhiej Vaźniak), a taksama sam były kandydat u prezidenty. Usich ich padazrajuć u arhanizacyi masavych biesparadkaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?