Centrvybarkam Biełarusi ličyć niemahčymym pierahlad Viarchoŭnym sudom svajho rašeńnia ab pryznańni vynikaŭ prezydenckich vybaraŭ.

«Padobnyja skarhi nie padlahajuć razhladu Viarchoŭnym sudom, pakolki vyniki vybaraŭ padvodzić Centrvybarkam», — zajaviŭ ahienctvu «Interfaks-Zachad» sakratar CVK Mikałaj Łazavik.

Pavodle jaho, «pa roznych faktach u Viarchoŭnym sudzie mohuć abskardžvacca rašeńni, naprykład, admova ŭ rehistracyi kandydata ŭ prezydenty». «Ale vyniki vybaraŭ padvodzić nie sud, a Centralnaja kamisija, jakaja vałodaje dla hetaha ŭsimi nieabchodnymi dakumentami», — skazaŭ sakratar CVK.

Raniej eks-kandydat u prezydenty Ryhor Kastusioŭ padaŭ zajavu ŭ Viarchoŭny sud z prośbaj pierahledzieć rašeńnie Centrvybarkama ab pryznańni prezydenckich vybaraŭ.

Jak paviedamili ahienctvu ŭ pres-słužbie Partyi BNF, u zajavie ŭtrymlivajecca pieralik parušeńniaŭ, jakija byli zafiksavanyja naziralnikami, členami vybarčych kamisij i davieranymi asobami kandydataŭ u prezydenty. «U mianie niama nadziei na spraviadlivaje rašeńnie Viarchoŭnaha suda. Mahčyma, majo zajavu navat nie budzie pryniataja da razhladu. Tym nia mienš, ja pierakanany, što padać zajavu z prośbaj pierahledzieć rašeńnie CVK z ulikam parušeńniaŭ, ja pavinien byŭ. A rašeńnie pa maim zajavie chaj zastaniecca na sumleńni biełaruskich uładaŭ «, — pracytavali ŭ partyi zajavu R.Kastusiova.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?