Jak stała viadoma «Našaj Nivie», pryblizna, a 12-aj hadzinie 4 studzienia u dźviery kvatery, dzie razam z maci pražyvaje pravaabaronca Nasta Łojka pahrukali nieviadomyja.
Jany paviedamili, što źjaŭlajucca supracoŭnikami KDB i pryjšli z vobšukam.

U toj momant u kvatery znachodziłasia tolki maci Nasty. Jana dźviery adčyniać admoviłasia. A kali «kaladoŭščyki» syšli, žančyna prosta vyjšła z kvatery.

U 12.30 supracoŭniki śpiecsłužbaŭ viarnulisia. Na hety raz pazvanili naŭprost Naści Łojcy i paviedamili, što kali jana nie pryjedzie dadomu, to jany pačnuć łamać dźviery. Dziaŭčyna padparadkavałasia.

Padčas pieratrusu supracoŭnikam KDB nie ŭdałosia znajści nivodnaha kamputara, albo navat maleńkaj fłeški. U vyniku supracošŭniki śpiecsłužbaŭ zabrali staryja maładafrontaŭskija ulotki.

Paśla hetaha, a 16-aj hadzinie, Nastu Łojku advieźli ŭ KDB, dzie maje adbycca dopyt. Łojka prachodzić pa spravie ab masavych biesparadkach 19 śniežnia ŭ jakaści śviedki.

Nahadajem, što pravaabarončaja arhanizacyja «Viasna» była adnoj ź pieršych, kudy supracoŭniki śpiecsłužb pryjšli z vobšukami. Nočču z 19 na 20 śniežnia u ofis «Viasny» prychodzili dvojčy. Paźniej pieratrus taksama adbyŭsia ŭ pravaabaroncy Aleny Tankačovaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?