Śledčym adździełam prakuratury Minska raspačata sprava na padstavie č. 3 art. 147 Kryminalnaha kodeksa (naniasieńnie ciažkich cialesnych paškodžańniaŭ, jakoje mieła vynikam śmierć) u dačynieńni da 35-hadovaha hramadzianina Rasii.

Jak paviedamiŭ staršy pamočnik prakurora horada Siarhiej Bałašoŭ, raniej sudzimy za chulihanstva rasijanin padazrajecca ŭ źbivańni svajoj sužycielki, u vyniku jakoha jana pamierła. Złačynstva było ŭčyniena ŭ kvatery doma na vulicy Plachanava ŭ Leninskim rajonie.

31 śniežnia mužčyna viarnuŭsia z pracy ŭ najomnuju kvateru, učyniŭ skandał i źbiŭ sužycielku, jakaja była mocna pjanaja i nie pryhatavała navahodniuju viačeru, chacia hrošy na pradukty jon daŭ joj zahadzia. Potym jany ŭsio-taki arhanizavali stoł, adśviatkavali Novy hod. 1 studzienia mužčyna kupiŭ pa prośbie siabroŭki sadavinu, i jany praciahvali śviatkavać. Kali 2 studzienia mužčyna kłaŭsia spać, žančyna dramała ŭ kreśle. A ŭ 2 hadziny nočy 3 studzienia, pračnuŭšysia, jon znajšoŭ jaje miortvaj.

Zhodna z zaklučeńniem ekśpiertaŭ, śmierć nastupiła ŭ vyniku zakrytaj tupoj traŭmy hrudnoj kletki, šmatlikich pierałomaŭ rebraŭ i hrudziny.

Padazrony zatrymany.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?