Videaapieratara «NN» Taćcianu Haŭrylčyk vyklikajuć na dopyt u KDB u jakaści śviedki ŭ prysutnaści advakata.

Dopyt maje prajści ŭ sieradu ŭ 9:30.

Nahadajem, što 31 śniežnia — u dzień pierad Novym hodam — čatyry supracoŭniki KDB praviali pieratrus na kvatery ŭ Taćciany Haŭrylčyk, skanfiskavali kampjutar i videakamieru. Padčas pieratrusu kadebisty vusna prapanavali Taćcianie pryjechać da ich na hutarku 3 studzienia.

3 studzienia Taćcianie patelefanavali, jašče raz prapanavaŭšy źjavicca na hutarku ŭ KDB, a 15-j hadzinie. Na hutarku Taćciana pryjšła — ale nie adna, a z advakatam. U KDB pačali nastojvać na tym, kab hutarka pravodziłasia biez prysutnaści advakata. Akramia hetaha Taćcianie paviedamili, što jana nie źjaŭlajecca ni śviedkaj ni padazravanaj, a hutarka — całkam niefarmalnaja, z metaj dapamahčy śledstvu.

Supracoŭnik KDB namiaknuŭ na toje, što ŭ tym vypadku, kali Taćciana pahodzicca na razmovu biez advakata, jana — i ŭsia Redakcyja «Našaj Nivy» — u bolš chutki termin atrymaje nazad svajo abstalavańnie (miarkujučy pa ŭsim, miełasia na ŭvazie videakamiera i kampjutary). Tym nie mienš, Taćciana razmaŭlać biez advakata admoviłasia.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?