Tym časam jak Niamieččyna i Šviecyja ŭsio hučniej kažuć pra mahčymyja sancyi da pradstaŭnikoŭ biełaruskaj ułady, litoŭski ministr Aŭdronis Ažubalis kaža, čto treba dačakacca supolnaha rašeńnia ŭsich krain ES.

«Asnoŭnaja naša praca ŭ Jeŭrapiejskim Sajuzie ŭ hetym miesiacy — abmierkavańnie, kab znajści supolny adkaz na padziei ŭ Biełarusi», — adkazaŭ litoŭski ministr niamieckamu padčas telefonnaj razmovy, paviedamlaje «Lietuvos rytas».

Ambasady krain ES u Biełarusi rychtujuć novy «čorny śpis» biełaruskich čynoŭnikaŭ, jaki pieradaduć u Brusel u piatnicu. Dypłamatyčnaja krynica paviedamiła papularnamu jeŭrapiejskamu internet-vydańniu EUobserver, što ŭ čarnavym varyjancie śpisu — bolš za 100 čynoŭnikaŭ. Nahadajem, što ŭ «čornym śpisie», jaki dziejničaje ciapier, imiony 40 biełaruskich čynoŭnikaŭ, u tym liku Alaksandra Łukašenki.

U listapadzie 2010 hoda Saviet ministraŭ ES praciahnuŭ zamarozku vizavych abmiežavańniaŭ da biełaruskich čynoŭnikaŭ na hod. U tym samym rašeńni jeŭrapiejskich ministraŭ adznačajecca, što vizavyja zabarony mohuć być viernutyja ci źniatyja ŭ luby momant — u zaležnaści ad raźvićcia situacyi ŭ Biełarusi. Studzieńskaje pasiedžańnie Savieta ministraŭ ES razhledzić hetaje pytańnie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?