U Rasii startavaŭ pakaz filma «Ščaŭkunok i Pacučyny karol» (Vialikabrytanija -Vienhryja, režysior Andrej Kančałoŭski). Maskva ŭžo daŭno zaviešanaja vializnymi biłbordami z rekłamaj hetaha filma, ale voś sumnaja historyja jaho suśvietnaha prakatu (pry tym, što biudžet filma składaje $90 miljonaŭ) viadomaja, napeŭna, nie ŭsim.
Film z treskam pravaliŭsia ŭ ZŠA, sabraŭšy za try tydni, zhodna z IMDB, nievierahodnyja dla takoha biudžetu $195 459 (115 kinateatraŭ). Uvieś suśvietny prakat prynios pakul usiaho $234 928, i heta, viadoma, katastrofa. Čort by ź im zusim, tvorčyja niaŭdačy zdarajucca va ŭsich, ale situacyja takaja, što film bolš čym napałovu finansavaŭ rasijski dziaržaŭny «Źniešekanombank», vydaŭšy na zdymki $50 miljonaŭ.
Akramia taho, letam 2010 hoda naziralny saviet «Źniešekanombanka» pad staršynstvam Uładzimira Pucina pryniaŭ rašeńnie ab vydzialeńni dadatkovych $10,9 miljonaŭ na kanviertavańnie stužki ŭ stereafarmat, a taksama na prasoŭvańnie prajektu ŭ Rasii i za miažoj.
Ciapier usio budzie zaležać ad rasijskaha hledača — ci dapamoža jon adbić chacia b niejkuju častku vydatkaŭ.
…Zrešty, chopić čužyja hrošy ličyć, davajcie pahavorym pra sam film. Siužet taki: u alternatyŭnaj Vienie
U filmie zaniatyja pieravažna zamiežnyja aktory. Hałoŭnyja roli vykonvajuć El Feninh, Džon Turtura, Natan Łejn.
Rasijskaja aktorka ŭ «Ščaŭkunku» usiaho adna — heta Julija «Jamo doma» Vysockaja.Zatoje joj dastalisia adrazu dźvie roli.
Aha, ujavicie sabie: u siužet «Ščaŭkunka» ŭpisali histaryčnych asob. Frojda prosta zhadvajuć u hutarcy. A voś
Natan Łejn, naprykład, hraje sapraŭdnaha Ejnštejna — ci, jak jaho nazyvaje Mary, dziadźku Albierta. Bolš za toje, jon navat vykonvaje niejkuju nievierahodnuju pieśniu pra teoryju adnosnaści. U jakaści muzyčnaj padkładki ŭ hetym vielmi sprečnym tvory vystupaje frahmient z baleta Čajkoŭskaha «Ščaŭkunok».
Darečy, pieśnia pra teoryju adnosnaści — nie adziny epizod, u jakim na muzyku Čajkoŭskaha pakłali słovy. I lepš by hetaha nie rabili, ščyra kažučy. Teksty pieśniaŭ sami pa sabie nie bliskučyja, a na fonie viadomych muzyčnych tvoraŭ jany i zusim zdajucca žudasnymi. Možna było b vykazać zdahadku, što heta jakraz tyja samyja «ciažkaści pierakładu» — aryhinalnyja teksty dla pieśniaŭ sa «Ščaŭkunka» napisaŭ Cim Rajs, i tolki potym ich pierakłali na rasijskuju. Praŭda, zachodnija krytyki ŭ adzin hołas kažuć, što heta adna z samych niaŭdałych pracaŭ Rajsa.
Zrešty, zamiežnyja krytyki naohuł razmazali «Ščaŭkunka» pa ściency. Siaredni bał, jaki atrymlivaje stužka ŭ roznych anhłamoŭnych vydańniach, — prykładna 2,5 z 10.Zbory karciny za try tydni ŭ ZŠA, pavodle dadzienych sajta BoxOfficeMojo, skłali dzieści 193 tysiačy dalaraŭ — heta značyć, naohuł katastrofa. Miž tym, film nie taki žudasny, jak možna padumać, kali aryjentavacca na hetyja acenki. Heta značyć, što «Ščaŭkunok» drenny, viadoma, ale nie nastolki.
Kali b nie było modnaha ciapier 3D, praca Kančałoŭskaha zrabiłasia b čarhovym kaladnym filmam, prachadnym, nie bieź vidavočnych minusaŭ, ale jaho prynamsi možna było b hladzieć.A toj «Ščaŭkunok», što vychodzić u kinateatry 1 studzienia, źjaŭlajecca dvuchhadzinnym vykazvańniem suprać stereaskapičnych karcinaŭ naohuł i źniatych na rasijskija hrošy ŭ pryvatnaści.
