Siońnia maci Paŭła Sieviarynca Taćciana Jaŭhienaŭna była ŭ śledčym kamitecie, jaki admysłova stvorany pa spravie 19 śniežnia sa śledčych KDB i MUS. Jana dabivajecca mahčymaści ŭbačycca z synam.
Śledčy, jaki pradstaviŭsia jak Anatol Mikałajevič, paviedamiŭ, što ŭbačycca z synam jana zmoža nie raniej jak praź miesiac, a moža navat i paźniej.
Taćciana Sieviaryniec adkazała śledčamu, što na sajcie Hienieralnaj prakuratury 3 studzienia była infarmacyja, što ŭmovy ŭtrymańnia viaźniaŭ u SIZA KDB dobryja, što jany atrymlivajuć pieradačy, majuć mahčymaść bačycca z rodnymi i blizkimi, tamu jana budzie skardzicca ŭ hienprakuraturu na toje, što ŭ SIZA nie vykonvajucca hetyja patrabavańni.
Na heta śledčy zaŭvažyŭ, što ŭ SIZA tolki dva kabiniety dla sustreč, tamu hety praces idzie pavolna. Taksama jon zaŭvažyŭ, što jany buduć vyrašać, kali zatrymanyja mohuć sustrakacca z rodnymi, i paprasiŭ miesiac jaho nie turbavać. Ale maci Paŭła paabiacała telefanavać jamu štodnia.
Pavieł Sieviaryniec, sustaršynia BCHD i kiraŭnik pieradvybarčaha štaba Vitala Rymašeŭskaha, ad 19 śniežnia znachodzicca ŭ SIZA KDB. Za hety čas u jaho byli tolki dźvie paŭhadzinnyja sustrečy z advakatam.
Faktyčna Pavał izalavany ad usiakaj infarmacyi zvonku, padkreślivajecca ŭ infarmacyi
