Hiendyrektar «Pinskdreva» adklikaŭ zajavu ab adstaŭcy «pa rekamiendacyi vyšejšych orhanaŭ»

Hienieralny dyrektar ZAT «Chołdynhavaja kampanija „Pinskdreŭ“» Łaran Arynič pa rekamiendacyi vyšejšych orhanaŭ adklikaŭ svaju zajavu ab adstaŭcy, paviedamili BiełaPAN na pradpryjemstvie.

Nahadajem, Arynič padaŭ zajavu ŭ pačatku śniežnia 2010, i z hetaha momantu abaviazki hienieralnaha dyrektara vykonvaŭ Jan Hiniel, jaki raniej uznačalvaŭ kambinat pa vytvorčaści miakkaj mebli. Adnoj z hałoŭnych pryčyn rašeńnia Aryniča syści z pasady stała trahiedyja na zavodzie «Pinskdreŭ-DSP».

U vyniku vybuchu, što adbyŭsia na «Pinskdrevie " 25 kastryčnika, zahinuła 14 čałaviek. Cieły dvuch rabočych byli znojdzienyja ratavalnikami pad zavałami, astatnija pamierli ŭ balnicach ad mocnych apiokaŭ. Pa fakcie vybuchu prakuratura Bresckaj vobłaści raspačała spravu pa č. 2 art. 302 Kryminalnaha kodeksa (parušeńnie praviłaŭ vytvorča-techničnaj dyscypliny, praviłaŭ biaśpieki na vybuchovaniebiaśpiečnych pradpryjemstvach abo va vybuchovaniebiaśpiečnych cechach albo praviłaŭ biaśpieki vybuchovaniebiaśpiečnych rabot). Na ŭzroŭni Rady biaśpieki Biełarusi była stvoranaja kamisija pa rasśledavańni pryčynaŭ zdareńnia, jakaja 16 listapada dała Radzie biaśpieki spravazdaču pra vyniki rasśledavańnia. Akramia taho, ułasnuju kamisiju pa rasśledavańni pryčyn trahiedyi stvaryła kiraŭnictva kampanii «Pinskdreŭ». Pavodle jaje vysnovaŭ, pryčynaj vybuchu i pažaru stała parušeńnie rehłamientu ramontnych rabot.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH