Adzin dzień ź dziesiaci, jakija žycharka Barysava Iryna Pankaviec adbyła ŭ Mienskim rajonnym izalatary pa vulicy Skaryny, jana praviała ŭ adnoj kamiery ź Irynaj Chalip. Žančyna zhadvaje pra toje, jak siabie pavodziła žonka kandydata ŭ prezidenty Andreja Sańnikava.
19 śniežnia Iryna Chalip usiudy była pobač z mužam.
«Ź Irynaj Chalip my adrazu sustrelisia ŭ izalatary na Akreścina, kali tam išli dopyty. Jana apynułasia ŭ adnym kabiniecie z majoj dačkoj Śvietaj, a ja była ŭ kabiniecie nasuproć. A jak nas dapytali i vyvieli na kalidor dy pastavili da ściany, dyk Ira padyšła da nas, paznajomilisia i ŭžo stajali razam. Abmiarkoŭvali heta ŭsio, jana raspaviadała, jak ich zatrymlivali, jak złamali kalennuju čašačku Sańnikavu. Potym doŭha nas razam trymali ŭ aŭtazakach, vazili tudy-siudy biez vady, bieź ježy, biez snu. A da suda nas advieźli ŭ izalatar na Skaryny. Tam u 11-j kamiery nas trymali. A potym, jak nas vyvodzili, kab advieźci ŭ sud, jaje pakinuli adnu. Trymałasia jana tam dobra, małajčyna, usich padtrymlivała, žartavała, nakolki heta było tam mahčyma. Vielmi mocnaja i dobraja jana žančyna. A kali nas usich z kamiery zabirali, a jaje pakidali, tady byccam ślaza ŭ jaje źjaviłasia. My pačali kryčać, čamu Iru nie zabrali razam z nami, a milicyjanty adkazali, što jaje asobna paviazuć. I pakul my siadzieli ŭ aŭtazaku dy čakali, što inšych da nas dadaduć, jaje vyvieli, pasadzili ŭ lehkavy aŭtamabil i pavieźli kudyści. Potym my ŭžo ŭ hazietach pračytali, što jana ŭ izalatary KDB».
svaboda.org
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
