Kala 20 maładych litoŭskich libierałaŭ pryjšli siońnia da prezidenckaha pałaca ŭ Vilni na akcyju salidarnaści ź biełarusami, jakija zaznajuć palityčnyja pieraśledavańni.
Padobnyja ž akcyi adbylisia siońnia i ŭ Šaŭlaj, Kaŭnasie, Maryjampoli, Cialšaj, Radviliškisie, Alitusie i Łaździjaj.
«My chočam vykazać salidarnaść i padtrymać hramadzianaŭ Biełarusi, jakija zaznajuć pieraśledy», — skazała DELFI adna z arhanizataraŭ akcyi Aŭšryne Armanajte.
Na pačatku hetaha tydniu arhanizacyja Lietuvos liberalus jaunimas raspaŭsiudziła rezalucyju, u jakoj zaklikała Sojm, prezidenta i MZS asudzić vyniki prezidenckich vybaraŭ u Biełarusi.
Armanajte pierakananaja, što pazicyja Litvy musić być bolš žorstkaj. «Šviecyja i Niamieččyna žorstka vykazalisia, asudzili i navat majuć namier uvieści sankcyi ŭ adnosinach da Biełarusi, u toj čas jak pazicyja Litvy zastajecca dosyć umieranaj. Jana musić być bolš žorstkaj, tym bolš što heta naš susied».
