ABSIE zaklikaje Minsk spynić napadki na žurnalistaŭ 1

Śpiecpradstaŭnik Arhanizacyi pa biaśpiecy i supracoŭnictvie ŭ Jeŭropie (ABSIE) pa pytańniach svabody ŚMI Duńja Mijatavič nastojliva zaklikała ŭłady Biełarusi spynić napadki na niezaležnyja srodki masavaj infarmacyi i nieadkładna vyzvalić usich aryštavanych žurnalistaŭ.

«Ja hłyboka zaniepakojenaja biesprecedentnaj chvalaj hvałtu, zapałochvańniaŭ, aryštaŭ i pieraśledu žurnalistaŭ, jakaja pačałasia paśla prezidenckich vybaraŭ 19 śniežnia 2010», — padkreślivajecca ŭ adrasavanym ministru zamiežnych spravaŭ Biełarusi Siarhieju Martynavu liście Mijatavič, vytrymki ź jakoha byli apublikavanyja na aficyjnym internet-sajcie ABSIE ŭ sieradu, 5 studzienia.

Duńja Mijatavič nahadała, što ŭ Biełarusi pa abvinavačańni ŭ arhanizacyi masavych biesparadkaŭ i ŭdziele ŭ ich byli aryštavanyja, u pryvatnaści, karespandent rasijskaj «Novoj haziety» Iryna Chalip i redaktar veb-sajta charter97.org Natalla Radzina. Im pahražaje da 15 hadoŭ pazbaŭleńnia voli.

Akramia taho, u Biełarusi adbylisia pieratrusy pamiaškańniaŭ haziety «Naša Niva», radyjostancyi «Jeŭrapiejskaje radyjo dla Biełarusi», telekanała «Biełsat» i kvatery šerahu žurnalistaŭ, jakija pracujuć na niezaležnyja ŚMI. U hetych žurnalistaŭ byli kanfiskavanyja piersanalnyja kamputary i inšaja technika.

Śpiecpradstaŭnik ABSIE zapatrabavała ad kiraŭnictva Biełarusi spynić «varožyja dziejańni suprać niezaležnych ŚMI», i nieadkładna vyzvalić Irynu Chalip i Natallu Radzinu. Duńja Mijatavič taksama vykazała hatoŭnaść pryjechać u Minsk, kab prapanavać biełaruskim uładam padtrymku ŭ vykanańni abaviazalnictvaŭ pa zabiaśpiečańni svabody ŚMI, pryniatych u miežach ABSIE.

Salidarnaść

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH