Va Ukrainie deputaty Lvoŭskaha abłasnoha savieta patrabujuć ad MZS krainy abviaścić hienieralnaha konsuła Rasii ŭ Lvovie Jaŭhiena Huziejeva piersonajnon-hrata .
Za taki zvarot da ŭkrainskaha zamiežnapalityčnaha viedamstva na siesii Lvoŭskaha abłsavieta ŭ sieradu prahałasavali 73 deputaty sa 116.
Deputaty taksama patrabujuć pazbavić Huziejeva dypłamatyčnaha statusu i źviarnucca ŭ MZS Rasii z patrabavańniem nieadkładna adklikać jaho z dyppradstaŭnictva Rasii va Ukrainie.
Lvoŭski abłsaviet ličyć, što rasijski dypłamat u svaich vystupach, a taksama ŭ intervju adnamu ź infarmahienctvaŭ ad 22 śniežnia 2010
«faktyčna admaŭlaŭ histaryčnaje isnavańnie ŭkrainskaj nacyi, ukrainskaj movy i carkvy».
«Advolna apierujučy cytatami ź litaraturnych tvoraŭ i prapahandysckich pradmovaŭ da histaryčnaj litaratury, vydadzienaj u savieckija časy,
