34-hadovamu žycharu Minska viarnuli doŭh u 37 tysiač dalaraŭ. Hetuju radasnuju padzieju jon vyrašyŭ adznačyć dobraj hulnioj. Pajšoŭ u kazino na Partyzanskim praśpiekcie, prychapiŭšy ŭsiu sumu. Pryčym najaŭnaść niemałych hrošaj nie vielmi chavaŭ ad navakolnych.
U tym samym kazino adpačyvali troje siabroŭ z kryminalnym minułym. Źviarnuŭšy ŭvahu na «bahacieńkaha Buracinu», maładyja ludzi dla pačatku zhulali ź im paru partyj u pokier, a potym prapanavali razam pajechać u «kruciejšaje» kazino. Vielmi darečy -- adzin z pryjacielaŭ byŭ z mašynaj.
Padazreńni ŭ ščaślivaha ŭłaśnika 37 tysiač źjavilisia paśla taho, jak aŭtamabil novych znajomych nakiravaŭsia nie ŭ centr, a ŭ bok lesaparkavaj zony za ŭniviermaham «Biełaruś». Vybraŭšy momant, kali mašyna prypyniłasia, mužčyna vyskačyŭ ź jaje. Adnak chłopcy byli sprytniejšyja, u vyniku čaho dalary pierajšli ŭ ich kišeni. Paśla eksprapryjacyi trya źbiehła ŭ nieviadomym kirunku.
Ciapier adzin sa złamyśnikaŭ zatrymany, asoby dvuch inšych vyśvietlenyja, ich šukajuć. U dačynieńni da padazravanych raspačataja kryminalnaja sprava pavodle č. 4 art. 206 Kryminalnaha kodeksa («Rabavańnie, učynienaje hrupaj asobaŭ u asabliva bujnym pamiery»).
