Sud Centralnaha rajona Minska adchiliŭ skarhu advakata Ŭładzimira Bukštynava ab źmienie miery strymańnia jaho padabaronnamu, byłomu kandydatu ŭ prezidenty Uładzimiru Niaklajevu.Sudovaje pasiedžańnie prajšło 6 studzienia ŭ zakrytym režymie. Bukštynaŭ paviedamiŭ žurnalistam, što prasiŭ razhledzieć skarhi Uładzimira Niaklajeva, jaki ŭ ciapierašni čas znachodzicca ŭ śledčym izalatary KDB, adnak hetuju prośbu nie zadavolili.
Sud pryniaŭ rašeńnie mieru strymańnia pakinuć raniejšaj. Pa słovach advakata, hałoŭnym matyvam takoha rašeńnia stała toje, što Niaklajeŭ abvinavačvajecca ŭ ździajśnieńni asabliva ciažkaha złačynstva.
Nahadajem, razam ź inšymi šaściu
U Bukštynava jość adzin dzień na abskardžvańnie hetaha rašeńnia ŭ vyšejstajačaj instancyi.
«Ja liču pryniataje sudom Centralnaha rajona rašeńnie ab admovie ŭ zadavalnieńni majoj skarhi nieabhruntavanym i abaviazkova abskardžu jaho ŭ Minskim haradskim sudzie», — zajaviŭ advakat.
Jak paviedamlałasia raniej, skarha była padadzienaja 3 studzienia. Da jaje prykładałasia vypiska ź lačebnaj ustanovy ab zachvorvańniach palityka. «Pa maich dadzienych, Niaklajeŭ zaraz znachodzicca ŭ kamiery SIZA KDB, u špital jaho nie źmiaščali», — skazaŭ Bukštynaŭ 5 studzienia.
Niaklajeŭ byŭ mocna źbity viečaram 19 śniežnia kala ofisa kampanii «Havary praŭdu!» na vulicy Niamiha, za hadzinu da pačatku akcyi pratestu apazicyi suprać falsifikacyi vynikaŭ hałasavańnia. U momant źbivańnia palityk jašče znachodziŭsia ŭ statusie kandydata ŭ prezidenty.
U noč na 20 śniežnia supracoŭniki śpiecsłužbaŭ dastavili jaho ź lakarni ŭ śledčy izalatar KDB. 29 Śniežnia Niaklajeŭ pieranios hipiertaničny kryz.
