Hramadzianskaja inicyjatyva «Vyzvaleńnie», u jakuju ŭvachodziać svajaki abvinavačanych i padazravanych pa kryminalnaj spraviepa padziejach 16 śniežnia, skłali zvarot da kiraŭnictva krain Jeŭrasajuza i ZŠA, Rasijskaj Fiederacyi, da suśvietnaj supolnaści.
Paśla prezidenckich vybaraŭ i mirnaj akcyi pratestu, jakaja adbyłasia paśla ich, byli zatrymanyja i źbityja sotni hramadzian Biełarusi, mnohija ź jakich byli asudžanyja na administracyjny aryšt abo vypłatu štrafu. My ličym, što
razhon mirnaj akcyi spravakavała hrupa pravakataraŭ, asoby jakich mohuć być vyśvietlenyja pa najaŭnych fota- i videazapisach. Naša nierazumieńnie vyklikaje toj fakt, što hetyja asoby da hetaha času nie abvieščanyja ŭ vyšuk.29–30 śniežnia byli vystaŭlenyja aficyjnyja abvinavačańni pa č.1 i 2 art. 293 Kryminalnaha kodeksa Respubliki Biełaruś (arhanizacyja i ŭdzieł u masavych biesparadkach) 22 padazravanym, jakija ŭtrymlivajucca ŭ SIZA KDB, u tym liku čatyrom kandydatam u prezidenty: Alaksieju Michaleviču, Uładzimiru Niaklajevu, Andreju Sańnikavu i Mikałaju Statkieviču.
Akramia kandydataŭ u prezidenty, abvinavačańni vystaŭlenyja ich davieranym asobam. Adnosna ich usich abranaja miera strymańnia ŭ vyhladzie ŭtrymańnia pad vartaj na dva miesiacy.
Siarod źmieščanych u SIZA KDB — žonka Andreja Sańnikava Iryna Chalip, što robić zakładnikam situacyi ich trochhadovaha syna, pakinutaha biez apieki baćkoŭ.
Pa našych źviestkach,
niekatorym z zatrymanych (Uładzimir Niaklajeŭ, Andrej Sańnikaŭ, Natalla Radzina, Mikałaj Statkievič) patrabujecca nieadkładnaja miedycynskaja dapamoha, niemahčymaja va ŭmovach SIZA KDB.
U suviazi z hetym my patrabujem ad A. Łukašenki vyzvaleńnia ŭsich uziatych im zakładnikaŭ — kandydataŭ u prezidenty, ich davieranych asobaŭ, žurnalistaŭ i niezakonna zatrymanych ludziej.
My zaklikajem usich hramadzian Biełarusi, a taksama mižnarodnuju supolnaść — u pieršuju čarhu kiraŭnictva Jeŭrasajuza, ZŠA i Rasii — dałučycca da hetych patrabavańniaŭ. My
prapanujem stvaryć mižnarodnuju kamisiju pa rasśledavańni złačynstvaŭ, jakija mieli miesca padčas vybaraŭ 19 śniežnia 2010 h. u Biełarusi.Ličym, što da vyzvaleńnia ŭsich aryštavanych i zatrymanych u suviazi sa «spravaj 19 śniežnia 2010 h.» apraŭdanymi mohuć być usiebakovyja žorstkija sankcyi z boku ZŠA, Jeŭrasajuza i Rasijskaj Fiederacyi ŭ dačynieńni da biełaruskaha režymu.
1 studzienia 2011
Hramadzianskaja inicyjatyva «Vyzvaleńnie»