Supracoŭniki barysaŭskaha RUUS apisali arhtechniku niezaležnaha vydańnia.

 Z redakcyi vynosiać arhtechniku. Fota «Elektronnyj Borisov».

Z redakcyi vynosiać arhtechniku. Fota «Elektronnyj Borisov».

U paniadziełak 10 śniežnia ŭ redakcyi niezaležnaj rehijanalnaj haziety «Borisovskije novosti» prajšoŭ pieratrus. Pra heta karespandentu «Našaj Nivy» paviedamiŭ hałoŭny redaktar vydańnia Anatol Bukas. «Borisovskije novosti». Pieratrus ładzili supracoŭniki miascovaha RUUS, pry sabie jany mieli pastanovu, vypisanuju va Upraŭleńni KDB pa Minskaj vobłaści.

Nahoda dla pieratrusu – śledčyja dziejańni ŭ ramkach kryminalnaj spravy pa fakcie padziej 19 śniežnia ŭ Minsku. Zhodna pastanovy, milicyjanty musili pravieści pieratrus ŭ redakcyi vydańnia, a taksama pa miescy žycharstva jaho redaktara, z metaj vyjaŭleńnia «pryładaŭ złačynstva». Pa słovach Anatola Bukasa, milicyjanty mieli prava kanfiskoŭvać valutu kaštoŭnaści.

Viziciory zabrali z saboj usiu arhtechniku – kampjutary, u tym liku buchhałtarski, prynter, fotaaparaty i navat faks. «Zabrali ŭsio, što nieabchodna dla viorstki haziety», – raskazaŭ redaktar. A taksama fłeški i dyski.

Vychad haziety ŭ vyniku pieratrusu vymańnia techniki apynusia pad pahrozaj. Čarhovy numar haziety musiŭ być padpisany ŭ druk u aŭtorak, 11 studzienia, a 13-j hadzinie. «Zrablu ŭsio mahčymaje, kab vydać hety numar», – paabiacaŭ sp. Bukas.

Nahadajem, što 28 śniežnia pieratrus prajšoŭ u redakcyi «Našaj Nivy». Supracoŭniki KDB zabrali z saboj sistemnyja błoki ŭsich kampjuteraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?