Kali.chto-niebudź jašče sumniajecca, što hrečka — kaštoŭnyja krupy, zirnicie na ceńnik. Siońnia kupić pakiet hrečki možna za 10, 12 i navat 15 tysiač rubloŭ. Pradaŭcy śćviardžajuć, što i heta jašče nie miaža.
Vyjaviłasia, što ź niadaŭniaha času adšukać papularnuju kašu možna nie ŭ kožnaj kramie.
— Hrečku pa starych cenach usiu raskupili. Čakajem zavozu pa novaj canie, — patłumačyła pradaviec kramy «Rubloŭski».
Pry hetym treba zaŭvažyć, što
«staryja ceny» taksama ciažka nazvać demakratyčnymi. Pa słovach pradavački, niekalkimi dzion tamu900-hramovy pakiet kaštavaŭ 9600. Kolki budzie kaštavać hrečka novaha zavozu, u kramie pakul nie viedajuć.
I ŭsio ž
Jak vyśvietliłasia, na Kamaroŭskim rynku situacyja z hrečkaj kardynalna nie adroźnivajecca. 10–12 tysiač za 800–900 hramaŭ. Tolki ŭ adnym miescy ŭdałosia adšukać krupy «za biascenak» — 9500 za
— Heta kitajskaja hrečka, tamu takaja tannaja, — pierakonvaŭ mianie pradaviec. — Jak praviła, usie handlujuć rasijskaj. Biełaruskaja ž jašče daražejšaja, tamu na rynku jaje praktyčna niama. Ale i hetyja ceny buduć raści. Praz try dni budziem zakazvać novuju partyju pa ŭžo novaj canie.
Jak vyjaviłasia, pradaviec mieŭ racyju. U šapiku nasuprać hrečka była ŭžo z novaj partyi i kaštavała 12300 (900 h). Pryčym taksama pieršaha hatunku, ale ŭžo rasijskaja.
Pobač ź joj krasavalisia krupy takoj samaj fasoŭki, ale najvyšejšaha hatunku. Za 15100!
Praŭda, sfatahrafavać dla historyi hety kaštoŭny va ŭsich adnosinach ekzemplar mnie nie dazvolili, zapatrabavaŭšy dazvołu ad administracyi rynku. Pieramovy z kiraŭnictvam vyniku nie prynieśli — fatahrafavać pryłavak nie dazvolili.
Čamu infarmacyja pra ceny na hrečku sakretnaja, mnie tak i nie patłumačyli.
Jak viadoma, prablemy z hrečkaj paŭstali jašče ŭ vieraśni. Spačatku krupa paprostu źnikła z kramaŭ, a paśla źjaviłasia, ale ŭžo značna daražejšaja. Ale 5 tysiač za pakunačak krupy — heta, jak vyjaviłasia, byli tolki kvietački. Ciapier hrečka kaštuje ŭ dva razy daražej i spyniacca na dasiahnutym nie źbirajecca. Tak što ciapier dazvolić sabie na śniadanak hetuju kaštoŭnuju kašku moža daloka nie kožny.
