2 lutaha techničnamu inśpiektaru BKDP, aktyvistu Svabodnaha prafsajuza mietalistaŭ (SPM) Uładzimiru Łazoŭskamu patelefanavali z KDB i paprasili terminova padjechać dadomu. Skazali, što ŭ jaho ŭ kvatery nieabchodna pravieści pieratrus.
Uładzimir Łazoŭski paviedamiŭ, što pieratrus doŭžyŭsia prykładna paŭtary hadziny, pravodzili jaho troje supracoŭnikaŭ KDB.
U vyniku pieratrusu ŭ prafsajuznaha aktyvista kanfiskavali niekalki dyskaŭ.
— Pieratrus pravodzili ŭ ramkach kryminalnaj spravy ab masavych biesparadkach. Techniki nijakaj u mianie doma niama. Tamu zabrali try starych dyski. Adzin ź pieśniami, na inšych — staryja kamputarnyja prahramy, — raskazaŭ Uładzimir Łazoŭski.
Pa słovach pravavoha inśpiektara prafcentra, supracoŭniki KDB cikavilisia ŭ tym liku i dziejnaściu niezaležnych prafsajuzaŭ, u pryvatnaści SPM. Adnak Uładzimir Łazoŭski zajaviŭ, što prafsajuz nijakaha dačynieńnia da spravy ab masavych biesparadkach nie maje.
— Ich cikaviła ŭsio, što moža być źviazana z apošnimi vybarami, a taksama dziejnaść prafsajuzaŭ i ADS. Pavodzili siabie karektna, — dadaŭ Uładzimir Łazoŭski.
