Knihi Niaklajeva buduć na Mienskaj mižnarodnaj vystavie? 3

Niamieckaja ambasada ŭ Miensku praviała sustreču z žurnalistami, pryśviečanuju ŭdziełu Niamieččyny ŭ Mienskaj mižnarodnaj knižnaj vystavie-kirmašy.

Arhanizatary ź biełaruskaha boku paabiacali, što na vystavie buduć knihi Ŭładzimiera Niaklajeva.

U niamieckaj ambasadzie adznačajuć, što Niamieččyna budzie na hetaj vystavie hanarovym hościem. Pad devizam «Niamieččyna: bahaćcie farbaŭ i adcieńniaŭ» jana pradstavić svaju pradukcyju na stendzie ŭ 250 kvadratnych metraŭ. Ale ci biantežyć niamiecki bok toje, što knižnaja vystava prachodzić u krainie, dzie pad aryštam trymajuć paeta Ŭładzimiera Niaklajeva, a Eŭraźviaz uvodzić sankcyi? Na hetaje pytańnie karespandenta «Svabody» pradstaŭnik niamieckaj ambasady Peter Detmar skazaŭ:

«Toj fakt, što my ŭdzielničajem u knižnaj vystavie-kirmašy, pakazvaje, što ŭ nas niama ŭ dadzienych adnosinach niejkaj niaŭpeŭnienaści. Ja sam vialiki prychilnik padziełu kultury i palityki i vitaju hetuju ideju. Kultura i mastactva — heta srodki, jakija pryvodziać ludziej adno da adnaho, a nie padzialajuć. I ŭ čym sens nie pravodzić i nia ŭdzielničać u kamunikacyjach, kali jany tak nieabchodnyja? I ŭ rezalucyi ministraŭ zamiežnych spraŭ krainaŭ Eŭraźviazu vy nia znojdziecie nivodnaha słova, jakoje ŭ toj ci inšaj formie pieraškadžała b supracoŭnictvu ŭ halinie kultury».

Napiaredadni źjaviłasia zajava šerahu ŭkrainskich litarataraŭ i vydaŭcoŭ, jakija zaklikajuć ukrainskich udzielnikaŭ bajkatavać knižny kirmaš u Miensku ŭ znak salidarnaści z Uładzimieram Niaklajevym i Natałkaj Babinaj — jana «stała achviaraj KDB: u jaje kanfiskavali kamputar z padrychtavanym da vydańnia ramanam». Peter Detmar skazaŭ, što jak pradstaŭnik niamieckaj ambasady «nia moža davać acenku pazycyi ŭkrainskich piśmieńnikaŭ».

Vykanaŭčy dyrektar vystavy Dźmitryj Makaraŭ dadaŭ, što «z palityčnych matyvaŭ niama nivodnaj admovy» ad udziełu ŭ mienskim kirmašy. Maŭlaŭ, «knihi — pa-za palitykaj i pa-za miežami».

«A što tyčycca ŭkrainskaha boku, to aproč maleńkaj natatki ŭ internecie, bolš nijakaj infarmacyi niama. Takoj aficyjnaj infarmacyi taksama niama. Litaralna ŭčora z dyzajnerami ŭkrainskaha boku my abmiarkoŭvali dyzajn stendu. Tamu aficyjnaj admovy ad ukrainskaha boku niama. Tamu toje, što tut niechta choča na kultury sabie zrabić niejkaje imia — heta prynamsi niepryhoža».

Na pytańnie, ci buduć knihi Ŭładzimiera Niaklajeva na kirmašy, spadar Makaraŭ skazaŭ: «Kaniečnie».

«U nas niama niejkaj zabarony ci niečaha. Niama taho, što ministerstva infarmacyi skazała, kab knihi hetaha aŭtara nie było. Va ŭmovach udziełu vielmi vyrazna napisana, što ŭ vystaŭcy mohuć uziać udzieł usie žadajučyja, aproč knih, jakija pradstaŭlajuć prapahandu hvałtu, fašyzmu. Takija knihi, kaniečnie, zabaronieny. Ale ŭ nas aficyjnaha śpisu takoha niama. Tamu ŭsie knihi — kali łaska. Dostup lubych aŭtaraŭ».

svaboda.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH