Ministar zamiežnych spraŭ Estonii Urmas Paet patłumačyŭ, što rašeńnie skasavać konsulski zbor za vydaču nacyjanalnych vizaŭ biełaruskim hramadzianam maje na mecie vykazać padtrymku hramadzianskaj supolnaści.
«Spryjańnie padarožžam u krainy Eŭraźviazu dapamoža Biełarusi ŭmacavać hramadzianskuju supolnaść i atrymać vopyt Eŭraźviazu, — skazaŭ kiraŭnik estonskaha źniešniepalityčnaha viedamstva. — my spadziajemsia, što i inšyja krainy Eŭrapiejskaha Źviazu taksama znojduć mahčymaści dla spraščeńnia pajezdak hramadzianaŭ Biełarusi ŭ Eŭraźviaz i ŭ niedalokaj budučyni budzie padpisana pahadnieńnie ab spraščeńni vizavaha režymu ź Biełaruśsiu i źmianšeńni płaty za šenhienskija vizy».
