Žurnalistka atrymała aficyjnaje papiaredžańnie za pracu 19 śniežnia na płoščy Niezaležnaści biez akredytacyi. Choć raniej sud jaje pakaraŭ za toje, što jana prysutničała na płoščy jak «udzielnica niesankcyjanavanaha mierapryjemstva».
Taćciana Bublikava kaža, što pry vyniasieńni papiaredžańnia prakuror Pavał Jelisiejeŭ spasyłaŭsia na pratakoł jaje zatrymańnia na płoščy. U im žurnalistka napisała, što vykonvała tam redakcyjnaje zadańnie. U jakaści dokazaŭ joj taksama byli pradjaŭleny fota, na jakim Bublikava biare intervju ŭ udzielnikaŭ akcyi, a taksama razdrukoŭki materjałaŭ ź internetu, dzie markieram byli padkreśleny frazy, što Bublikava supracoŭničaje z telekanałam «Biełsat».
«20 śniežnia sud maim śviedčańniam nie pavieryŭ i mianie asudzili na 10 sutak administratyŭnaha aryštu za toje, što ja nibyta vykrykvała antydziaržaŭnyja łozunhi. Prakuror ža hetym papiaredžańniem faktyčna pryznaŭ, što sud pakaraŭ mianie biespadstaŭna», — adznačaje Taćciana Bublikava.
Tym nie mienš, z rašeńniem prakuratury žurnalistka nie zhodnaja. Taćciana havoryć, što sprabavała patłumačyć prakuroru, što jana pracuje jak pazaštatny žurnalist na polskuju firmu «N.E.
Žurnalistka ukazvaje na toje, što padpisanaje joj papiaredžańnie datavana 16 lutym. I zadaje rytaryčnaje pytańnie: navošta jaje było vyklikać na razmovu, kali ŭsio vyrašyli amal dva tydni tamu?
Taćciana Bublikava paviedamiła «Biełsatu», što źbirajecca abskardzić u prakuraturie i prysud, i aficyjnaje papiaredžańnie prakuratury, bo farmuloŭka, što jana pracuje na zamiežnaje ŚMI, nie adpaviadaje rečaisnaści.
