U Minsku admianili biaspłatnyja prajaznyja bilety dla šmatdzietnych žančyn, uznaharodžanych ordenam maci.Pra heta paviedamiła namieśnik staršyni kamiteta pa pracy, zaniataści i sacyjalnaj abaronie nasielnictva Minharvykankama Natalla Praskurava 2 sakavika na
Pavodle jaje słoŭ, prajaznyja bilety dla šmatdzietnych maci, uznaharodžanych ordenam maci, apłačvalisia z haradskoha biudžetu. U lipieni 2010 hoda nabyŭ moc zakon «Ab miascovym kiravańni i samakiravańni ŭ Biełarusi», u adpaviednaści ź jakim ciapier harsaviet moža padtrymlivać tolki vieteranaŭ, piensijanieraŭ, invalidaŭ i dziaciej. Kali šmatdzietnaja maci nie adnosicca da adnoj z hetych katehoryj, to harsaviet nie moža akazvać joj padtrymku.
Jak zajaviła Praskurava, dla taho, kab kampiensavać admienu biaspłatnych prajaznych biletaŭ dla šmatdzietnych maci, ź lipienia 2010 hoda było vyrašana apłačvać biaspłatny prajezd na hramadskim transparcie školnikam sa šmatdzietnych siemjaŭ, dzie vychoŭvajecca piać i bolš dziaciej. Pry hetym u pieršaj pałovie śniežnia 2010 hoda biaspłatny prajezd atrymali ŭsie školniki.
Pavodle słoŭ Praskuravaj, pytańnie pra biaspłatnyja prajaznyja bilety dla šmatdzietnych maci moža być vyrašanaje tolki na respublikanskim uzroŭni. 16 sakavika ŭ Minsku budzie arhanizavany sieminar dla Pałaty pradstaŭnikoŭ Nacyjanalnaha schodu, na jakim staršynia Minharvykankama Mikałaj Ładućka abjavić prapanovy pa ŭniasieńni źmien u zakanadaŭčyja akty na respublikanskim uzroŭni. Praskurava nie vyklučaje, što ŭ ich liku moža być pytańnie pra biaspłatny prajezd na hramadskim transparcie dla šmatdzietnych maci.
Pavodle jaje słoŭ, jašče adna prablema dla šmatdzietnych maci — pryznačeńnie piensij. Žančyna, u jakoj šmat dziaciej, bolšuju častku svajho pracazdolnaha ŭzrostu znachodzicca ŭ dekretnym adpačynku, dachod u jaje mały, u adpaviednaści ź im i piensija atrymlivajecca «mizernaj».
Jak paviedamiła śpiecyjalist, siońnia ŭ Minsku naličvajecca 5 tys. 460 šmatdzietnych siemjaŭ, u apošnija hady ich lik pamienšyŭsia. Z 2006 hoda pryniata rašeńnie ab uručeńni ordena maci žančynie, jakaja naradziła i jak maje być vychavała piaciarych i bolš dziaciej. Za piać hadoŭ pa Minsku ŭručany 362 ordeny maci, letaś hetaj uznaharody ŭdastojena 35 žančyn.
