Nacyjanalny bank Biełarusi 15 sakavika ŭvodzić u abaračeńnie banknoty naminałam 500, 1.000, 10.000 i 20.000 rubloŭ madyfikacyi 2011 hoda.
Jak paviedamlaje ŭpraŭleńnie infarmacyi Nacbanka, heta robicca z metaj uzmacnieńnia achoŭnych prykmiet i ŭdaskanalvańnia vizualnych elemientaŭ achovy na banknotach nazvanych naminałaŭ uzoru 2000 hoda.
Vyjava piaredniaha i advarotnaha bakoŭ, koleravaja hama i pamier madyfikavanych banknot zastalisia takimi ž, jak i ŭ banknot adpaviednych naminałaŭ uzoru 2000 hoda.
Banknoty naminałam 500, 1.000, 10.000 i 20.000 rubloŭ madyfikacyi 2011 hoda majuć niekatoryja adroźnieńni.
Zamiest palimiernaj prazrystaj nitki z tekstam «NBRB» u pramoj i pieraviernutaj vyjavie ŭ papieru ŭviedziena mietalizavanaja achoŭnaja nitka, jakaja «nyraje», z učastkami, što vychodziać na pavierchniu papiery ŭ vyhladzie bliskučych pramavuholnikaŭ i ŭtvarajuć punkcirnuju liniju. Pry razhladvańni banknoty na praśviet achoŭnaja nitka vyhladaje sucelnaj ciomnaj pałasoj.
U Nacbanku padkreślivajuć, što ŭviedzienyja ŭ abaračeńnie madyfikavanyja banknoty źjaŭlajucca zakonnym płaciežnym srodkam i abaviazkovyja da pryjomu pa naminalnaj vartaści pry ŭsich vidach płaciažoŭ biez abmiežavańniaŭ.
Banknoty ŭzory 2000 hoda zastajucca ŭ abaračeńni na terytoryi Biełarusi razam z madyfikavanymi.
