U 2011 hodzie Biełaruski dziaržaŭny ŭniviersitet płanuje pryniać takuju kolkaść studentaŭ, jak i letaś. Pra heta na pres-kanfierencyi 2 sakavika ŭ Minsku paviedamiŭ rektar BDU Siarhiej Abłamiejka.

Pavodle jaho słoŭ, na dzionnuju biudžetnuju formu navučańnia budzie pryniata kala 2,1 tys. studentaŭ, na dzionnuju płatnuju — 2,7 tys., na zavočnuju biudžetnuju — 420, na zavočnuju płatnuju — kala 1,3 tys., na zavočnuju formu dla atrymańnia druhoj vyšejšaj adukacyi — 535 čałaviek. Akramia hetaha płanujecca pryniać kala 400 zamiežnych hramadzian.

Abłamiejka adznačyŭ, što kala pałovy studentaŭ buduć pryniatyja na pryrodaznaŭča-navukovyja śpiecyjalnaści. Kala 30% z hetaha liku — na IT-śpiecyjalnaści, nabor na jakija pavialičvajecca ŭ VNU štohod. Jon taksama dadaŭ, što fakultet radyjofiziki i elektroniki BDU sioleta pieranazvany ŭ fakultet radyjofiziki i kampjutarnych technałohij.

Taksama rektar paviedamiŭ, što

sioleta adkryvajecca pryjom na try novyja śpiecyjalnaści:

«mikrabijałohija», «bijachimija» i «kiravańnie infarmacyjnymi resursami». Siarod novych kirunkaŭ — «fizika nanamateryjałaŭ i nanatechnałohij», «kosmaaerakartahrafija», «dziełavaja kamunikacyja» i «ruskaja mova jak zamiežnaja».

Ciapier u BDU pracuje 24 fakultety i adukacyjnyja instytuty, idzie padrychtoŭka pa 58 śpiecyjalnaściach i 80 kirunkach. U BDU ciapier vučycca 35 tys. čałaviek, ź jakich kala 5 tys. na da- i paślaŭniviersiteckaj stupieniach adukacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?