Pra heta na pres-kanfierencyi ŭ Minsku 2 sakavika paviedamiŭ namieśnik ministra enierhietyki Michaił Michadziuk.

«Kantraktaŭ (na pastaŭku ŭranu) jašče niama. Ale ŭ prajekcie mižuradavaha pahadnieńnia pa budaŭnictvie AES zakładziena, što Rasijskaja Fiederacyja harantuje pastaŭku paliva na pieryjad pracy AES», — skazaŭ Michadziuk. Razam z tym jon padkreśliŭ, što heta nie vyklučaje inšych pastaŭščykoŭ paliva.

Michadziuk adznačyŭ, što budaŭnictva atamnaj stancyi — adzin z hałoŭnych aśpiektaŭ enierhietyčnaj biaśpieki. «AES dazvolić źnizić sabiekošt vypracavanaj elektraenierhii i strymlivać rost taryfaŭ, mahčyma, źnizić», — skazaŭ namieśnik ministra.

Pry hetym Michadziuk skazaŭ, što rost cen na ŭran surjozna nie paŭpłyvaje na sabiekošt elektraenierhii.

Pavodle jaho słoŭ, sabiekošt vytvorčaści elektraenierhii na AES nižejšy za jaje sabiekošt na stancyjach, jakija vykarystoŭvajuć tradycyjnyja vidy paliva. U svaju čarhu, źnižeńnie sabiekoštu elektraenierhii stanoŭča adabjecca na ekspartnym patencyjale Biełarusi, bo vyrablenaja pradukcyja stanie bolš kankurentazdolnaj.

Biełaruś raźličvaje źnizić zatraty na budaŭnictva AES za košt udziełu biełaruskich kampanij u hetym prajekcie.

Michadziuk nahadaŭ, što biełaruski bok unios svaje prapanovy pa abstalavańni, jakoje vyrablajecca ci moža vyrablacca ŭ Biełarusi i vykarystoŭvacca pry budaŭnictvie AES. «Tyja pracy, jakija my možam vykonvać, my budziem rabić», — skazaŭ namieśnik ministra, udakładniŭšy pry hetym, što ŭ adpaviednaści z damoŭlenaściami praduhledžvajecca maksimalny ŭdzieł biełaruskaha boku ŭ hetym prajekcie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?